Sədərək rayon Qaraağac kənd tam orta məktəbində 17 yanvar 2020-ci  il tarixində Sədərək Rayon Təhsil Şöbəsinin tədbirlər planınına əsasən  "20 yanvar günü xalqımızın qəhrəmanlıq səlnaməsidir" devizi altında  məktəblilər arasında  arasında "Şahmat" yarışı  keçirilmişdir. Yarış 20 yanvar şəhidlərinin xatirəsini yad edilməsi məqsədilə 1 dəqiqəlik sükutla açıq elan olundu. Tədbirdə məktəbin direktoru Ayaz Əliyev  çıxış edərək qeyd etdi ki, Azərbaycan xalqının qəhrəmanlıq səhifəsi olan 20 Yanvar hadisəsindən 30 il ötür.

Şahmat dərsinin səmərəli təşkili məqsədilə Naxçıvan şəhər ümumtəhsil məktəblərində şahmat fənnini tədris edən müəllimlər arasında şahmat üzrə şəxsi birinciliyə yekun vurulub. Birincilik Naxçıvan şəhər Şahmat Mərkəzində keçirilib. Naxçıvan şəhər Gənclər və İdman idarəsi, Təhsil şöbəsi və hımçinin Uşaq, Gənclər Şahmat Məktəbinin birgə təşkilatçılığı ilə baş tutan yarışda 65 müəllim qalib olmaq üçün zəkasını sınayıb. 2 gün davam edən yarışın məqsədi şahmat idman növünün müəllimlər arasında təbliği və güclü şahmatçıların aşkar edilməsi olub.

17 yanvar 2020-ci il tarixdə Naxçıvan Muxtar Respublikası Şahmat Federasiyasının Kəngərli Rayon Bölməsinin, Kəngərli Rayon Təhsil Şöbəsinin və Uşaq-gənclər şahmat məktəbinin birgə təşkilatçılığı ilə rayon ümumtəhsil məktəbləri arasında “20 Yanvar – Azərbaycan xalqının hünər və qeyrət tarixidir” devizi altında şahmat üzrə komanda  birinciliyi keçirilib.

Yarış başlamazdan əvvəl Uşaq-gənclər şahmat məktəbinin direktoru Əli Hüseynzadə çıxış edərək bildirib ki, 20 yanvar hadisəsi xalqımızın Vətənə, torpağa sədaqətini, azadlıq, müstəqillik uğrunda mübarizəsini bütün dünyaya göstərən tariximizin şərəfli bir səhifəsi, qəhrəmanlıq salnaməsidir.

17 yanvar 2020-ci il tarixdə Naxçıvan Muxtar Respublikası Təhsil Nazirliyinin təşkilatçılığı ilə “Naxçıvan  Universitet”ində ümumtəhsil məktəblərinin müəllimləri, Universitetin professor və müəllim heyətinin iştirakı ilə IX sinif Coğrafiya dərsliyinin müzakirəsi keçirilmişdir.

Müzakirədə iştirak edən Naxçıvan Muxtar Respublikası təhsil nazirinin müavini Ovni Muradov çıxış edərək muxtar respublikada təhsilə göstərilən dövlət qayğısı və tədrisin yüksəldilməsi üçün həyata keçirilən tədbirlərdən danışmışdır. Qeyd edilmişdir ki, aprelin 15-də Naxçıvan Muxtar Respublikası Ali Məclisində "Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə" keçirilmiş müşavirədə Ali Məclisin Sədri tərəfindən verilmiş tapşırıqlar da tədrisin keyfiyyətinin yüksəldilməsi məqsədi daşıyır.