Xəbərlər

Məzunlarımız qızıl və gümüş nişanla təltif olunub

25.07.24 09:25

Ümumi təhsil müəssisələrinin 2023-2024-cü tədris ili üzrə məzunlarının qızıl və gümüş nişanla təltifi haqqında Azərbaycan Respublikası elm və təhsil naziri əmr imzalayıb.

Naxçıvan Muxtar Respublikasının ümumi təhsil məktəblərindən 8 məzunumuz qızıl, 1 məzunumuz isə gümüş nişana layiq görülüb.
Qızıl nişana layiq görülən məzunlarımız:

1.1. Paşayeva Nərmin Şahin qızı - Naxçıvan MR Naxçıvan Qarnizonu tam orta məktəb
1.2. Ələkbərova Surə Zülfü qızı - Naxçıvan MR Naxçıvan Qızlar Liseyi
1.3. Bayramova Jalə Əfsəl qızı - Naxçıvan MR Naxçıvan Qızlar Liseyi
1.4. Abdullayev Ümüd Fuad oğlu - Naxçıvan MR Culfa rayonu Kırna kənd tam orta məktəb
1.5. Rzayev Yaqub Aqil oğlu - Naxçıvan MR Ordubad rayonu Gənzə kənd tam orta məktəb
1.6. Paşayev İsmayıl Hilal oğlu - Naxçıvan MR Şahbuz rayonu Badamlı qəsəbə tam orta məktəb
1.7. Rzazadə Murad Mübariz oğlu - Naxçıvan MR Sədərək rayonu Sədərək kənd 1 nömrəli tam orta məktəb
1.8. Rəhimli Polad Fuad oğlu - Naxçıvan MR Şərur şəhər Fizika-riyaziyyat təmayüllü lisey

Şahbuz rayonu Kükü kənd tam orta məktəbinin məzunu Məmmədov Turqay Araz oğlu isə gümüş nişana layiq görülüb.

Təbrik edirik.

Naxçıvanda 387 məzun ümumtəhsil məktəblərini fərqlənmə attestatı ilə bitirib

18.07.24 12:50

2023-2024-cü tədris ili üzrə Naxçıvan Muxtar Respublikasının ümumi təhsil müəssisələrində IX və XI sinfi bitirən məzunlara attestatlar verilir
Bu il muxtar respublikanın ümumi təhsil müəssisələrinin IX siniflərini 4569, XI siniflərini isə 3500 məzun bitirib. Onlardan ümumi orta təhsil səviyyəsi üzrə 134, tam orta təhsil səviyyəsi üzrə isə 253 məzun təhsilini fərqlənmə attestatı ilə başa vurub.
Qeyd edək ki, ki, son dövrlər muxtar respublikada təhsil sahəsində aparılan islahatlar, şagirdlərin bilik və bacarıqlarının artırılması istiqamətində həyata keçirilən tədbirlərin nəticəsidir ki, fərqlənmə attestatı ilə bitirən məzunların sayı ötən illə müqayisədə təqribən 3 dəfədən çox (ötən il: ümumi və orta təhsil səviyyəsi üzrə ümumilikdə 121 məzun) artıb.
Məzunlarımızı təbrik edir, onlara gələcək fəaliyyətlərində uğurlar arzulayırıq.

Hacıvar kəndində yeni məktəb binasının inşasına başlanılıb

18.07.24 11:37 | 18.07.24 11:43 ərzində olan dəyişikliklər

Bu gün dövlətimiz tərəfindən təhsilin inkişafına hərtərəfli diqqət və qayğı göstərilir, bu sahədə ardıcıl tədbirlər həyata keçirilir, təhsil müəssisələrinin maddi tədris bazası möhkəmləndirilir, infrastrukturu yenilənir. Bu tədbirlərin davamı olaraq Babək rayonunun Hacıvar kəndində 456 şagird yerlik məktəb binasının inşasına başlanılıb.

Ardını oxu...

Naxçıvan Dövlət Universitetinin nəzdində İngilis dili Təmayüllü Gimnaziya 2024-2025-ci tədris ili üçün şagird qəbulu ELAN EDİR!

15.07.24 14:22

Gimnaziyaya şagird qəbulu cari ildə Naxçıvan Muxtar Respublikasının əhatə etdiyi ümumtəhsil müəssisələrinin V sinfini bitirmiş oğlan və qız şagirdləri arasında müsabiqə yolu ilə aparılır. Gimnaziyaya qəbul olmaq üçün aşağıdakı sənədlər tələb olunur:

Şəxsiyyət vəsiqəsinin surəti

- 3x4 santimetr ölçüdə 2 ədəd fotoşəkil - Təhsil aldığı məktəbdən arayış

Sənədlər 08 iyul 2024-cü il tarixdən 10 avqust 2024-cü il tarixə qədər saat 09:00-dan 18:00-dək Naxçıvan Dövlət Universitetinin nəzdində İngilis dili Təmayüllü Gimnaziyada qəbul ediləcəkdir.

Müsabiqə 20 avqust 2024-cü il tarixdə Naxçıvan Dövlət Universitetinin Xarici dillər fakültəsində saat 10:00-da keçiriləcəkdir. Müsabiqədə şagirdlərə 3 saat vaxt veriləcəkdir. Şagirdlərin nəzərinə çatdırılır ki, Gimnaziyaya qəbul üçün keçiriləcək müsabiqə test formatında aparılır.

Müsabiqədə şagirdlərə:

Azərbaycan dili 20, riyaziyyat 25, ingilis dili 35, tarix 10, təbiət 10 olmaqla ümumilikdə 100 sual təqdim olunacaq.

Muxtar Respublika üzrə 30 qız, 30 oğlan olmaqla ən yüksək nəticə göstərən 60 şagird Gimnaziyaya qəbul olunacaqdır.

Əlaqə nömrəsi: 550 50 16 070 577 67 71

Mərkəzləşdirilmiş qaydada həyata keçirilən lisey və gimnaziyalara qəbul prosesinin nəticələri elan olundu

11.07.24 15:33 | 11.07.24 15:36 ərzində olan dəyişikliklər

2024-2025 tədris ili üzrə 34 təhsil müəssisəsində mərkəzləşdirilmiş qaydada həyata keçirilən lisey və gimnaziyalara qəbul prosesinin nəticələri elan olundu.
Şagirdlər sy.edu.az platforması üzərindən yaradılmış “Şəxsi kabinet”lərinə daxil olaraq qəbul nəticələrini öyrənə bilərlər.
Şagirdlər seçim etdikləri lisey və ya gimnaziyalara qəbul olduqları təqdirdə, şəxsi kabinetlərinə daxil olaraq 18 iyul 12:00-a qədər qəbul olduqları müəssisəni təsdiqləməlidirlər. Qeyd olunan tarixədək uğurlu nəticə göstərən şagirdlərin nəticələri şəxsi kabinetdən təsdiqlənmədiyi halda qəbul nəticəsi etibarsız hesab ediləcək. Lisey yaxud gimnaziyaya qəbul olan və valideyn modulundan təsdiq edilən şagirdlərin sorğuları sistem açılan zaman avtomatik yaradılacaq və avqust ayında sənəd qəbulu həyata keçiriləcək.
Qeyd edək ki, qəbul imtahanında iştirak edən 29480 şagirddən 21694 şagird lisey və gimnaziya seçimi mərhələsində iştirak hüququ qazanıb. Seçimdə iştirak edən 17003 şagirddən 3731 nəfəri mərkəzi imtahanlı lisey və gimnaziyalara qəbul olunub.

Başqa məqalələr...