16 yanvar 2019-cu il tarixdə Sədərək rayon Şahmat məktəbində Sədərək RayonTəhsil Şöbəsinin, Gənclər və İdman İdarəsinin, Naxçıvan Muxtar Respublika  Şahmat Federasiyasının Sədərək Rayon Bölməsinin və Yeni Azərbaycan Partiyasının  Sədərək Rayon Təşkilatı Gənclər Birliyinin birgə təşkilatçılığı ilə yeniyetmə və gənclərdə vətəndaşlıq və vətənpərvərlik hislərinin yüksəldilməsi məqsədilə şahmat üzrə rayon birinciliyi keçirilib. Yarışda qızlar arasında Kazımova Fatimə I yerin, Heydərova Sevda II yerin,oğlanlar arasında Hüseynov Səid I yerin, Əliyev İsmayl və Əlizadə Yusif müvafiq olaraq II və III yerin sahibi olmuşlar.

Qaliblər təşkilatçılar tərəfindən diplomlarla təltif edilmişlər.

16 yanvar 2020-ci il tarixdə Kəngərli Rayon Təhsil Şöbəsinin təşkilatçılığı ilə Yurdçu kənd tam orta məktəbində kimya, fizika, biologiya fənn müəllimlərinin, eləcə də laborantların iştirakı ilə “Nəzəri bilikləri təcrübi əsaslarla öyrənək” mövzusunda seminar keçirilib.

Seminarın keçirilməsində əsas məqsəd kimya, fizika və biologiya fənlərinin tədrisi prosesində müasir təlim texnologiyalarından istifadə, dərsin planlaşdırılması, qiymətləndirmədə müxtəlif üsul və vasitələrdən istifadə zamanı müəllimlərin qarşılaşdıqları problemlərin həlli yollarının müəyyənləşdirilməsi və dərs prosesinin təşkilində yüksək nəticələrin əldə olunmasından ibarətdir.

İntellektual idman növü kimi şahmatın inkişafına muxtar respublikamızda ciddi diqqət yetirilir. Bu məqsədlə şəhər və rayonlarda şahmat məktəbləri tikilərək istifadəyə verilib, həmin məktəblərin maddi-texniki bazası gücləndirilib. Eyni zamanda müasir informasiya-kommunikasiya texnologiyaları ilə təmin olunmuş şahmat məktəblərində  interaktiv dərslərin təşkili üçün hər cür şərait yaradılıb.

Ümumtəhsil məktəblərində şahmat dərslərinin tədrisi səviyyəsinin artırılması, uşaq-gənclər şahmat məktəblərinin fəaliyyətinin gücləndirilməsi istiqamətində məqsədyönlü tədbirlər həyata keçirilir. Təhsil Nazirliyi Şahmat Federasiyası ilə birlikdə mütəmadi olaraq şahmat məşğələləri də təşkil edir.

20 Yanvar faciəsi baş verəndə mən dünyaya gəlməmişdim. Amma xalqımızın unutmadığı bu tarix biz şagirdlərin yaddaşından silinmir və silinməyəcək.  Hər il məktəbizimdə həmin günün bir saatı  20 Yanvar faciəsinə həsr olunur. Və bu günün tarixi bizə izah olunur. Bu gün xalqımızın qəhrəmanlıq dastanı kimi qürur günümüzdür. Ulu öndər Heydər babanın qəzetdən oxuduğum bu sitatını olduğu kimi qeyd edirəm: “20 Yanvar gününü xatırlayarkən hər birimiz eyni zamanda böyük iftixar hissi keçiririk. Çünki xalqımız həmin təcavüz qarşısında özünün əyilməzliyini, sarsılmazlığını bütün dünyaya sübut etdi. Şəhidi olan xalq qəhrəman xalqdır. Biz şəhidlərimizin qəm-qüssəsini çəkirik, ancaq onların şəhidliyə getməsi ilə fəxr edirik. Çünki onlar Vətən, ana torpaq, millət, Azərbaycan yolunda həlak olublar”.