15 yanvar 2020-ci il tarixində Sədərək rayon Heydərabad qəsəbə tam orta məktəbində Naxçıvan Muxtar Respublikası Təhsil Nazirliyinin, Naxçıvan Muxtar Respublikası Rəssamlar Birliyinin  və Sədərək rayon Təhsil şöbəsinin birgə təşkilatçılığı ilə  Məktəblilərin təsvir və dekarativ-tədbiqi sənət müsabiqəsinin Sədərək rayon turu keçirilmişdir.

Tədbirdə Təsil nazirin müavini Heyran Əhmədova, Təhsil şöbəsinin müdiri Malik İsmayılov çıxış edərək bildirmişlər ki, Məktəblilərin təsviri incəsənət sənət müsabiqəsi məktəblilərin maraq və bacarıqlarının intelektual səviyyəsi və yaradıcı qabliyətlərinin aşkarlanması, müxtəlif məktəbdən kənar istiqamətlər üzrə aktiv yaradıcılıq fəaliyyətinə cəlb olunması ilə fərdi potensialların sistemli inkişafı ümumtəhsil məktəblərinin müvafiq sahələr üzrə sinifdənxaric və məktəbdən kənar fəliyyətlarinin qiymətləndirilməsi məqsədi ilə keçirilir deyə vurğulamışdırlar.

15 yanvar 2020-ci il tarixdə Kəngərli Rayon Təhsil Şöbəsinin təşkilatçılığı ilə “Məktəblilərin təsviri və dekorativ-tətbiqi sənət müsabiqəsi“nin rayon mərhələsi keçirilib. Müsabiqə məktəblilərin maraq və bacarıqlarının, intellektual səviyyəsi və yaradıcı qabiliyyətlərinin aşkarlanması, müxtəlif məktəbdənkənar istiqamətlər üzrə aktiv yaradıcılıq fəaliyyətinə cəlb olunması ilə fərdi potensiallarının sistemli inkişafı, ümumtəhsil məktəblərinin müvafiq sahələr üzrə sinifdənxaric və məktəbdənkənar fəaliyyətlərinin qiymətləndirilməsi məqsədilə keçirilir.

20 Yanvar faciəsinin 30-cu il dönümü ilə əlaqədar Naxçıvan Şəhər Təhsil Şöbəsi tərəfindən ümumtəhsil məktəblərində açıq dərslər, tədbir və sərgilər təşkil olunur. 15 yanvar 2020-ci il tarixdə Naxçıvan şəhər 14 nömrəli tam orta məktəbdə Naxçıvan Şəhər Təhsil Şöbəsinin əməkdaşlarının və məktəbin müəllim-şagird heyətinin iştirakı ilə “20 Yanvar-Şərəf və Qürur Günümüz!” adlı tədbir keçirilmişdir.

AMEA-nın Naxçıvan Bölməsi və Naxçıvan Muxtar Respublikasının Təhsil Nazirliyinin birgə təşkilatçılığı ilə “Sabahın tədqiqatçıları” layihəsi çərçivəsində elmə marağı olan 50 şagird bölmə alimləri tərəfindən hamiliyə götürülərək fərdi və kollektiv şəkildə tədqiqatlara cəlb ediliblər. Bölmənin Təbii Ehtiyatlar İnstitutunun Hidrogeologiya və mineral sular laboratoriyasının rəhbəri, kimya üzrə fəlsəfə doktoru, dosent Fizzə Məmmədovanın rəhbərliyi altında Naxçıvan Qızlar Liseyinin IX-cu sinif şagirdi Nuray Məmmədovanın “Naxçıvan Muxtar Respublikasının bəzi yeraltı sularının minerallığının təyini” adlı layihəsi Moskvada keçirilən Məktəblilərin VIII Beynəlxalq Elmi-tədqiqat və yaradıcılıq “Elmə start” müsabiqəsində yoxlamadan uğurla keçib. Layihənin “Mənim elmi işim” adlı 3 səhifəlik xülasəsi “Elmə start” müsabiqəsinin elektron ünvanında yerləşdirilib. (https://school-science.ru/8/20/42623)

Qeyd edək ki, müsabiqənin yekun tədbiri mart ayının 1-dən 3-dək Moskva şəhərində müsabiqə iştirakçıları və layihə rəhbərlərinin iştirakı ilə keçiriləcək, qaliblər diplomlarla mükafatlandırılacaq.