Tədbiri giriş sözü ilə açan Mərkəzin direktoru Murad Babayev  müəllim və şagirdləri salamlayaraq sərgi iştirakçılarına uğurlar arzulayıb. Bildirilib ki, Muxtar Respublikada uşaq və gənclərin istedadlarının üzə çıxarılması, asudə vaxtlarının  və tərbiyələrinin düzgün təşkili, yaradıcılıq mühitində böyüməsi, onların yüksək səviyyədə təhsil alması üçün zəruri şəraitin yaradılması daim diqqət mərkəzində saxlanılır. 2019-2020-ci tədris ilinin oktyabrında uşaq və gənclərin maraq və bacarıqlarının, intellektual səviyyələrinin və yaradıcılıq qabiliyyətlərinin inkişafı, asudə vaxtlarının səmərəli təşkili məqsədilə Naxçıvan Muxtar Respublikası Ali Məclisinin Sədrinin tapşırığı ilə Heydər Əliyev Uşaq-Gənclər Yaradıcılıq Mərkəzində 12 adda yeni innovativ dərnəklər yaradılıb. Yeni yaradılan dərnəklər zəruri avadanlıqlarla təchiz olunmuş və mərkəzdə nümunəvi tədris şəraiti yaradılmışdır.

Qəbul imtahanının I mərhələsi və tam (11 illik) orta təhsil səviyyəsi üzrə “Abituriyent” jurnalının xüsusi buraxılışı nəşr olunub. Dövlət İmtahan Mərkəzi (DİM) “Abituriyent” jurnalının xüsusi buraxılışında qəbul imtahanının I mərhələsi və tam (11 illik) orta təhsil səviyyəsi üzrə buraxılış imtahanı üçün fənlər üzrə alt standartlar, proqramlar, tapşırıq nümunələri və qiymətləndirmə meyarlarını və balların hesablanma qaydasını dərc edib (Azərbaycan və rus dilində).

DİM-dən  bildirilib ki, jurnalda, həmçinin xarici dil (ingilis, fransız, alman, rus, ərəb və fars dilləri) fənni üzrə dinləyib-anlama qabiliyyətini yoxlamaq üçün tapşırıq nümunələri verilib.

Naxçıvan Müəllimlər İnstitutunda muxtar respublikada fəaliyyət göstərən ümumtəhsil məktəblərində çalışan 29 nəfər ibtidai sinif müəlliminə sertifikatlar təqdim edilib.  

Təqdimatda İnstitutun və Naxçıvan Muxtar Respublikası Təhsil  Nazirliyinin əməkdaşları iştirak ediblər. Naxçıvan Müəllimlər İnstitutunun prorektoru Azad Novruzov institutda diplomdan sonrakı təhsilin təşkili yollarından, Naxçıvan Muxtar Respublikası Təhsil Nazirliyi ilə bu sahədə aparılan əməkdaşlıqdan danışıb.

Azərbaycanın məhşur, tarixi şəxslərinin həyat və yaradıcılığını dərindən öyrənmək məqsədilə mütəmadi olaraq şagirdlərimizin muzey və tarixi abidələrə ekskursiyaları təşkil edilir. Ordubad rayon Uşaq-Gənclər Yaradıcılıq Mərkəzinin Dərnək üzvləri qış tətilinin səmərəli keçirilməsilə əlaqədar Məmməd Səid Ordubadinin Ev Muzeyini ziyarət etmişlər.

Bildirilmişdir ki, tanınmış Azərbaycan ədibinin ev muzeyi ümummilli lider Heydər Əliyevin təşəbbüsü ilə anadan olmasının 100 illiyi münasibəti ilə 1972-ci ildə Ordubad şəhərində anadan olduğu mənzildə yaradılmışdır.