Naxçıvan Muxtar Respublikasında ümummilli lider Heydər Əliyevin anadan olmasının 98-ci ildönümünə həsr olunan "Naxçıvan-bəşəriyyətin beşiyi" V Beynəlxalq Rəsm Festivalı keçirilib.

Mayın 25-də Naxçıvan şəhərindəki "Saat Meydanı" Turistik İstirahət Mərkəzində festivalda çəkilmiş əsərlərdən ibarət sərgi açılıb.

Naxçıvan Muxtar Respublikası Ali Məclisinin Sədri Vasif Talıbov sərginin açılışında iştirak edib.

İstedadlı şagirdlərin aşkar olunması, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması məqsədilə məktəblilərin fənn müsabiqələrinin final mərhələsi keçirilmişdir. Müsabiqənin final mərhələsində ümumtəhsil məktəblərinin VI və VII siniflərdən olmaqla  147 şagird iştirak etmişdir.

Mayın 25-də Heydər Əliyev Uşaq-Gənclər Yaradıcılıq Mərkəzində muxtar respublikada ilk dəfə olaraq şagirdlərin Robotexnika dərnəklərində və STEAM təlim metodu əsasında hazırladıqları layihələrin texnosərgisi keçirilmişdir.

Tədbirdə Naxçıvan Muxtar Respublikasının Təhsil naziri Rəhman Məmmədov çıxış edərək bildirib ki, Naxçıvan Muxtar Respublikası Ali Məclisi Sədrinin tapşırığı ilə 2019-cu ildən məktəbdənkənar təhsil müəssisələrində Robotexnika dərnəklərinin fəaliyyətinə, 2020-2021-ci tədris ilindən isə muxtar respublikanın ümumtəhsil məktəblərində STEAM təlim metodunun tətbiqinə başlanılmışdır.

Şagirdləri təbiətə qayğı ruhunda tərbiyə etmək, onlarda ekoloji şüuru və mədəniyyəti formalaşdırmaq məqsədilə Turist Diyarşünaslıq Mərkəzinin dərnək rəhbərləri mərkəzin dərnək üzvlərinin Nəbatat bağına ekskursiyasını təşkil edib. Ekskursiyada dərnək rəhbəri və 15 dərnək üzvü iştirak edib.

Ekskursiya zamanı şagirdlərə bildirilib ki, dünyanın bir çox yerlərində nəsli kəsilməkdə olan bitkilərin, ağacların qorunması üçün qoruqlar, bağlar yaradılmışdır. Meyvə ağacları, tərəvəzlər, dərman istehsalında lazım olan bitkilər bu bağlarda becərilir. Həmin bağlar turizmin inkişafında mühüm rol oynayır. Naxçıvan Muxtar Respublikasında Nəbatat bağı da bu məqsədlə yaradılmışdır. Nəbatat bağında zövq oxşayan yaşıllıqların qorunub saxlanması ilə yanaşı, burada təbiət elmləri sahəsilə məşğul olan alimlər də tədqiqat işləri aparır.