Son illərdə dünya təhsil sistemində ən mühüm trendlərdən biri kimi aktuallıq  qazanan STEAM təlim metodu bu gün muxtar respublikanın təhsil müəssisələrində uğurla tətbiq edilir. Naxçıvan Muxtar Respublikası Ali Məclisi Sədrinin tapşırığı ilə 2019-cu ildən məktəbdənkənar təhsil müəssisələrində Robotexnika dərnəklərinin fəaliyyətinə, 2020-2021-ci tədris ilindən isə muxtar respublikanın ümumtəhsil məktəblərində STEAM təlim metodunun tətbiqinə başlanılmış, bu məqsədlə ötən müddət ərzində “STEAM Tədris Mərkəzi”,       4 məktəbdənkənar və 11 ümumi təhsil müəssisəsində STEAM kabinələri yaradılmışdır. Hazırda əlavə olaraq 38 məktəbdə kabinələrin yaradılması istiqamətində işlər görülür.

Təsdiq edilmiş elektron ərizəsini ləğv etmək istəyən abituriyentlər https://eservices.dim.gov.az/erizebak/erize/ səhifəsindəki “Elektron ərizənin təsdiqinin ləğvi” keçidinə daxil olub “Şəxsi kabinet”inin istifadəçi adı və parolunu müvafiq sahələrə qeyd edirlər.

DİM-dən  verilən məlumata görə, ərizənin ləğv olunması üçün istifadəçinin “Şəxsi kabinet”ində qeyd etdiyi mobil telefon nömrəsinə xüsusi kod göndərilir. Əgər orada qeyd olunan mobil telefon nömrəsi abituriyentə məxsus deyilsə və ya nömrə dəyişilibsə, əməliyyatdan imtina edib “Şəxsi kabinet”dəki “Əlaqə məlumatları” bölməsində mobil telefon nömrəsində düzəliş edib proseduru yenidən təkrar etmək lazımdır. Bu zaman mobil telefon nömrəsinə göndərilmiş təsdiq kodunu müvafiq sahəyə daxil etməklə “Təsdiqi ləğv et” düyməsini basmaq lazımdır.

Naxçıvan Muxtar Respublikası Təhsil Nazirliyinin təşkilatçılığı ilə Heydər Əliyev Uşaq-Gənclər Yaradıcılıq Mərkəzində “1 iyun-Uşaqların Beynəlxalq Müdafiəsi Günü”nə həsr olunmuş muxtar respublika məktəbdənkənar təhsil müəssisələrinin dərnək üzvlərinin əl işlərindən ibarət sərgi-satışı təşkil edilib.

Naxçıvan Muxtar Respublikasının Təhsil naziri Rəhman Məmmədov muxtar respublikada uşaqlara göstərilən qayğıdan danışıb. Bildirib ki,  ölkəmizdə gələcəyimizin qurucuları olan uşaqların hərtərəfli inkişaf etmiş bir şəxsiyyət kimi böyüməsi üçün dövlət qayğısı və diqqəti yüksək səviyyədədir. Bunu muxtar respublikamızda da aydın görmək olar. Onların  milli dəyərlər əsasında tərbiyəsi, sosial ehtiyaclarının hərtərəfli təmini, sağlam mühitdə böyümələri, istedadlarının üzə çıxarılması, intellektual və mənəvi inkişafı, asudə vaxtının və tərbiyəsinin düzgün təşkili kimi məsələlər daim diqqət mərkəzində saxlanılır. Belə ki, Naxçıvan Muxtar Respublikası Ali Məclisi Sədrinin tapşırığı əsasında istedadlı şagirdləri üzə çıxarmaq, onlardakı tədqiqatçılıq qabiliyyətini inkişaf etdirmək üçün müxtəlif metodlar, innovativ layihələr tətbiq olunur, tədbirlər, bilik və yaradıcılıq müsabiqələri, sərgilər, idman yarışları keçirilir. Beləliklə də hər ötən il ümumtəhsil məktəblərinin şagirdləri istər qəbul, istərsə də muxtar respublika, ölkə və beynəlxaq səviyyəli müsabiqə və yarışlarda yüksək nailiyyətlər əldə edir, istedadlı uşaqların adları Naxçıvan Muxtar Respublikası gənc istedadlarının “Qızıl kitabı”na yazılır, onlar Ali Məclis Sədrinin xüsusi aylıq təqaüdünə layiq görülürlər.

Məsmalıyev Sərcan Şahin oğlu – 16 noyabr 2003-cü ildə Şahbuz rayonunun Keçili kəndində anadan olub.  2010-cu ildə Keçili kənd tam orta məktəbinin I sinfinə qəbul olub.  İbtidai sinifdə təhsil aldığı illərdə   müəllimlərin diqqətini cəlb edib, oxumağa olan həvəsi, nümunəvi davranışı ilə müəllimlərin rəğbətini qazanıb. Sərcanın dəqiq fənlərə olan marağı, bu sahə üzrə xüsusi istedada malik olması müəllimlərin diqqətindən yayınmayıb. Sinifdən-sinfə keçdikcə bu istedad özünü daha çox biruzə verib. Keçirilən sınaq testlərində, müxtəlif bilik yarışlarında, rayon səviyyəli tədbirlərdə, olimpiadalarda  uğur qazanıb.

Sərcan 2019-cu ildə ümumi orta təhsilini fərqlənmə attestatı ilə başa vurub. Buraxılış imtahanında 263 bal (Azərbaycan dilindən 89, Riyaziyyatdan 93, Xarici dildən 88 bal) toplayıb.  X-XI siniflərdə də dəqiq fənlərə xüsusi maraq göstərib və I ixtisas qrupua daxil olmağı qarşısına məqsəq qoyub.

29 aprel 2021-ci il tarixdə keçirilən buraxılış imtahanında Cərcan çəkilən zəhmətin hədər olmadığını bir daha təsdiq edib. O, Azərbaycan dilindən 94.1, Riyaziyyatdan 97.7, İngilis dilindən 100 bal olmaqla– cəmi 291,8 bal toplayaraq muxtar respublika birincisi olub.

Sərcan Məsmalıyevi təbrik edir, uğurlar arzulayırıq!