Naxçıvan Muxtar Respublikası Təhsil Nazirliyinin qrafikinə uyğun olaraq Heydər Əliyev Muzeyində 10 iyun 2021-ci il tarixdə Naxçıvan şəhər 17 nömrəli tam orta məktəbin 15 şagirdinin iştirakı ilə növbəti açıq dərs keçirilib.

Muzeyin əməkdaşı Quluzadə Gülnar “Qayıdışdan qurtuluşa” mövzusunda keçdiyi açıq dərsdə ümummilli lider Heydər Əliyevin hakimiyyətə qayıdışı haqqında şagirdlərə məlumat verib. Dərsdə bildirilib ki, Azərbaycanın ən yeni tarixində xalqımız tərəfindən qeyd olunan mühüm günlərdən biri “15 İyun Milli Qurtuluş Günü”dür. Ulu öndər Heydər Əliyevin siyasi hakimiyyətə qayıdışı həm strateji, həm də ümummilli baxımdan çox mühüm əhəmiyyət kəsb edən hadisə idi. Məhz Milli Qurtuluş Günü sayəsində müasir dünya dövlətləri arasında güclü, müstəqil Azərbaycan dövləti mövcud olmuşdur. Bu gün müstəqil Azərbaycan Ümummilli liderin ideyaları əsasında inkişaf edir.

İyunun 10-da Naxçıvan Şahmat Mərkəzində növbəti interaktiv dərs keçirilib.

Dərs ümumtəhsil məktəblərinin şagirdləri üçün saat 11:00-da, ümumtəhsil məktəblərində şahmat fənnini tədris edən müəllimlər üçün saat 12:00-da, Şahmat məktəbləri üçün isə saat 15:00-da baş tutub.

Beynəlxalq dərəcəli şahmat ustası Emin Hacıyev tərəfindən şagirdlər üçün “oyunun sonluq hissəsi endşpil” mövzusunda keçirilən interaktiv dərsdə şahmat oyunuda sonluqları bilmək və düzgün oynamaq mövzusu haqqında məlumat verdi.  Müasir şahmatda güclü şahmatçıların əksəriyyəti sonluğa bərabər vəziyyətdə çıxırlar. Buna görə də qaydaları bilməklə oyunda qalib gəlmək olar.

Üzgüçülük Mərkəzində “15 iyun-Milli Qurtuluş Günü” münasibətilə Naxçıvan şəhər ümumtəhsil məktəblərinin oğlan şagirdləri arasında stolüstü tennis üzrə şəxsi birincilik keçirilib. Tədbirdə çıxış edənlər idmançıları Milli Qurtuluş günü münasibətilə təbrik edib və onlara uğurlar arzulayıblar. Daha sonra  birinciliyin keçirilmə məqsədi və qaydaları haqqında idmançılara geniş məlumat verilib. Naxçıvan Şəhər Gənclər və İdman İdarəsi, Təhsil Şöbəsi və Üzgüçülük Mərkəzinin birgə təşkilatçılığı ilə keçirilən yarışda 14 tam orta məktəbdən 14 şagird iştirak edib. “Olimpiya” sistemi üzrə keçirilən birinciliyin yekununa əsasən, 8 nömrəli tam orta məktəbin şagirdi Emil Əliyev I yerə, 10 nömrəli tam orta məktəbin şagirdi Rəfael Yusifov II yerə, 14 nömrəli tam orta məktəbin şagirdi Fuad Bağırlı isə III yerə layiq görülüb.

Sonda qalib idmançılar təşkilatçıların diplomları ilə mükafatlandırılıb.

9 iyun 2021-ci il tarixdə 4 nömrəli tam orta məktəbdə Naxçıvan şəhər məktəbliləri arasında “Vətəni tanı” İntellektual Oyunu keçirilib. Naxçıvan Şəhər Gənclər və İdman İdarəsi və Təhsil Şöbəsinin birgə təşkilatçılığı ilə keçirilən oyunda 17 tam orta məktəbdən 17 şagird iştirak edib. İntellektual Oyunda müxtəlif rənglərdə göstərilmiş şəhər və rayonları xəritə üzərində öz yerinə yerləşdirmək lazım olub. Xəritə keçməcəli (pazl) şəklində olmuş və Azərbaycanın hər bir inzibati ərazi vahidi orada ayrılıqda göstərilmişdir. Şagirdlər xəritədə kiçik hissəcikləri yerləşdirməklə vahid Azərbaycan xəritəsini tamamlayıb.