Naxçıvan  şəhər  1, 2  və 3 nömrəli tam orta məktəblərinin   II-VI  sinif  şagirdləri üçün 05 dekabr 2019-cu il tarixdə Heydər Əliyev Uşaq-Gənclər Yaradıcılıq Mərkəzinə “Mənim sevimli məşğuliyyətim” devizi altında ekskursiya təşkil edilib.

Ekskursiyada şagirdlərə mərkəzin fəaliyyəti haqqında ətraflı məlumat verilib. Bildirilib ki, 2019-2020-ci tədris ilində mərkəzdə şagirdlərin asudə vaxtlarını səmərəli təşkili, onların yaradıcılıq qabiliyyətlərinin və istedadlarının üzə çıxarılması üçün 12-si yeni yaradılan olmaqla müxtəlif profilli 39 adda dərnək fəaliyyət göstərir.

Dekabrın 5-də “Naxçıvan” Universitetinin rektoru vəzifəsinə təyin edilən Nurlana Əliyeva ali məktəbin kollektivinə təqdim olunub.

Bu münasibətlə keçirilən tədbirdə Naxçıvan Muxtar Respublikası Ali Məclisi Sədrinin köməkçisi Seymur Talıbov bildirib ki, muxtar respublikamızda bütün sahələrin inkişafı diqqət mərkəzindədir. Təhsilin inkişafına göstərilən böyük diqqət və qayğının nəticəsidir ki, bu sahədə qazanılan uğurlar ildən-ilə artır. Təhsil müəssisələri üçün yeni binalar tikilir, ümumtəhsil məktəbləri ən müasir informasiya və kommunikasiya texnologiyaları ilə təmin edilir.

Naxçıvan Muxtar Respublikası Ali Məclisinin Sədri Vasif Talıbov dekabrın 5-də Nurlana Əliyevanın “Naxçıvan” Universitetinin rektoru təyin edilməsi haqqında Sərəncam imzalayıb.

Nuhçıxan-ın məlumatına görə, Sərəncamda deyilir:

"Naxçıvan Muxtar Respublikası Konstitusiyasının 5-ci maddəsinin II hissəsinin 22-ci bəndini rəhbər tutaraq qərara alıram:

Nurlana Sabir qızı Əliyeva “Naxçıvan” Universitetinin rektoru təyin edilsin".

Qeyd edək ki, Nurlana Əliyeva bundan əvvəl “Naxçıvan” Universitetində Pedaqoji fakültənin dekanı vəzifəsində çalışıb.

Naxçıvan şəhər 14 nömrəli tam orta məktəbdə 04 dekabr 2019-cu il tarixdə məktəbin Fizika müəllimi Mustafayeva Zamilə Məhərrəm qızı tərəfindən Fizika laboratoriyasında məktəbin VII^b sinif şagirdlərinə “Məsələ həllinin əyani tətbiqi” mövzusunda təcrübələr əsasında dərs keçirilmişdir. Dərsin təcrübələr əsasında keçirilməsi təbiətdə baş verən hadisələrin mahiyyətini şagirdlər tərəfindən şərh edilməsinə, onlardan həyati məqsədlər üçün istifadə edilməsinə, şagirdlərin tədqiqatçılıq meylinin inkişafına zəmin yaradır.