6 dekabr 2019-cu il tarixdə Naxçıvan Şəhər Təhsil Şöbəsinin və Cəlil Məmmədquluzadə adına Naxçıvan Muxtar Respublika Ədəbiyyat Muzeyinin birgə qrafikinə əsasən Naxçıvan şəhər 14 nömrəli tam orta məktəb şagirdlərinin iştirakı ilə “Dahi şəxsiyyət Heydər Əliyevin həyatı və xalqı naminə fədakarlıqları” mövzusunda muzeyin bələdçisi Baxışəliyeva Rəfiqə tərəfindən açıq dərs keçirilmişdir.

06 dekabr 2019 cu il tarixində Sədərək rayon Heydərabad qəsəbə tam orta məktəbində Heydər Əliyev   Uşaq Gənclər Yaradıcılıq Mərkəzinin və Sədərək rayon Təhsil şöbəsinin birgə təşkilatçılığı ilə Naxçıvan Muxtar respublikasının 95 illik yubileyi münasibətilə "Naxçıvanı tanıyaq" devizi altında bilik yarışıması  keçirilmişdir.

Yarışa Sədərək rayon ümumtəhsil məktəblərindən  4 komanda olmaqla ümumlikdə 20 şagird iştirak etmişdir. Maraqlı keçən yarışın sonunda  Sədərək kənd 1 nömrəli  tam orta məktəbin komandası  Naxçıvanda keçiriləcək muxtar respublika turunda iştirak etmək hüququ qazanmışdır.

Naxçıvan şəhər 8 nömrəli tam orta məktəbdə 06 dekabr 2019-cu il tarixdə “Oxunması zəruri olan kitablar” silsiləsindən Nizami Gəncəvinin “Nizaminin hikmət və nəsihətləri” kitabının müzakirəsi keçirilmişdir. Müzakirədə VII və X siniflərdən 16 şagird, məktəb rəhbərliyi və məktəbin Azərbaycan dili və ədəbiyyat müəllimləri iştirak etmişdir. Məktəbin X sinif şagirdləri tərəfindən Nizami Gəncəvinin “Nizaminin hikmət və nəsihətləri” kitabından nəsihətlər şərh olunmuş, kitabdakı fikirlər təhlil edilmişdir. Naxçıvan Şəhər Təhsil Şöbəsinin baş məsləhətçisi Gülxanım Orucova şagirdlərə kitab oxumağın və mütaliənin əhəmiyyəti haqqında tövsiyyələr vermişdir. Müzakirə diskussiya şəklində təşkil olunmuşdur. Sonra məktəbin direktoru Günay Novruzova və kitabxana müdiri Gülyanaq Həsənova Nizami Gəncəvinin həyat və yaradıcılığı haqqında geniş məlumat vermişdir. Şagirdlərə “Oxunması zəruri olan kitablar” silsiləsindən bəhrələnməyi məsləhət görmüşlər.

Şahbuz Rayon Gənclər və İdman İdarəsi, Təhsil Şöbəsi və Yeni Azərbaycan Partiyası Şahbuz Rayon Təşkilatı Gənclər Birliyinin təşkilatçılığı ilə ümumtəhsil məktəblərinin bir qrup şagirdinin ümummilli lider Heydər Əliyevin anım günü münasibəti ilə Naxçıvan şəhərində yerləşən Heydər Əliyev Muzeyinə ekskursiyası təşkil olunub. Şagirdlərə məlumat verilib ki, muzey Naxçıvan Muxtar Respublikası Ali Məclisi Sədrinin 18 fevral 1999-cu il tarixli Sərəncamı ilə yaradılıb. Burada ulu öndərimiz Heydər Əliyevə məxsus şəxsi əşyalar nümayiş olunur, eyni zamanda muzeyin kitabxanasında ümummilli lider Heydər Əliyevin həyat və fəaliyyətini əks etdirən qəzet, jurnal, albom, kitablar və videomateriallar toplanıb.