28 noyabr 2019-cu il tarixdə Naxçıvan Muxtar Respublikası Təhsil Nazirliyinin təşkilatçılığı ilə Naxçıvan Müəllimlər İnstitutunda ümumtəhsil məktəblərinin müəllimləri, İnstitutun professor və müəllim heyətinin iştirakı ilə IX sinif İnformatika dərsliyinin müzakirəsi keçirilmişdir.

Müzakirədə iştirak edən Naxçıvan Muxtar Respublikası təhsil nazirinin müavini Ovni Muradov çıxış edərək qeyd etmişdir ki, aprelin 15-də Naxçıvan Muxtar Respublikası Ali Məclisində "Naxçıvan Muxtar Respublikasında ali və orta ixtisas təhsili müəssisələrində ixtisasların müvafiq təşkilatlara hamiliyə verilməsinin vəziyyəti və innovasiyaların dəstəklənməsi barədə" müşavirə keçirilmişdir. Müşavirədə Ali Məclisin Sədri tərəfindən Təhsil Nazirliyinə ali məktəblərin professor və müəllim heyətləri ilə birlikdə yeni dərslik və dərs vəsaitlərinin müzakirəsini təmin etmək bir vəzifə olaraq tapşırılmışdır.

Noyabrın 28-i Naxçıvan Muxtar Respublikası Təhsil Nazirliyi və Azərbaycan Milli Elmlər Akademiyasının Naxçıvan Bölməsi tərəfindən hazırlanan “Sabahın tədqiqatçıları” layihəsinin təqdimatı keçirilmişdir.

Təqdimatda Təhsil naziri Rəhman Məmmədov təhsilə göstərilən dövlət qayğısından danışaraq qeyd etmişdir ki, Naxçıvan Muxtar Respublikası Ali Məclisi Sədrinin diqqət və qayğısı sayəsində muxtar respublikada təhsil infrastrukturu yenilənmiş, müasir tipli yeni məktəb binaları inşa edilmiş, təhsil müəssisələrinin maddi texniki bazası möhkəmləndirilmiş, təlim-tədris prosesi üçün yüksək tədris şəraiti yaradılmışdır.

Nazir qeyd etmişdir ki, istər ümumtəhsil məktəblərində, isərsə də elm və ali təhsil müəssisələrində yaradılan yüksək tədris şəraitinin və müasir avadanlıqlarla təchiz olunmuş laboratoriyaların yaradılması təhsildə bir sıra layihələrin həyata keçirilməsinə, o cümlədən yeni bir layihənin –“Sabahın tədqiqatçıları” layihəsinin də tətbiqinə geniş imkan yaratmışdır.

Naxçıvan Dövlət Universitetinin bir qrup müəllim və tələbələri Məhəmməd Füzuli adına Ordubad şəhər internat tam orta məktəbində olublar. Məktəbin dərs hissə müdiri Mehman Vəlibəyov bildirib ki, məktəbdə 20  uşaq təhsil və tərbiyə alır. Bunlardan 4 nəfəri hər iki valideynini itirən şagirdlərdir. Məktəbdə şagirdlərin  yüksək təhsil almaları üçün rahat şərait yaradılıb. Tələbələr şagirdlərlə ünsiyyətdə olub, onları oxumağa həvəsləndirən maairfləndirmə söhbətləri aparıblar. Şagirdlərlə maraqlı oyunlar, intellektual yarışlar da keçirilib.

Tələbələr məktəbliləri müxtəlif hədiyyələrlə də sevindiriblər.

28 noyabr 2019-cu il tarixdə Naxçıvan Muxtar Respublikası Şahmat Federasiyasının Kəngərli Rayon Bölməsinin, Kəngərli Rayon Təhsil Şöbəsinin və Uşaq-gənclər şahmat məktəbinin birgə təşkilatçılığı ilə Kəngərli və Şərur rayon şahmatçıları arasında Naxçıvan Muxtar Respublikasının 95 illik yubileyinə həsr edilmiş tempo turniri keçirilib.