Xəbərlər

Məktəblilər üçün “Büdcəmizi anlayaq” təlimi keçirilib

10.12.19 23:22

Naxçıvan Muxtar Respublikası Təhsil Nazirliyinin və Maliyyə Nazirliyi yanında Maliyyə Tədris Mərkəzinin təşkilatçılığı ilə Naxçıvan şəhərindəki 14 nömrəli tam orta məktəbdə “Büdcəmizi anlayaq” layihəsi çərçivəsində növbəti təlim təşkil edilib. 50-dən çox məktəblinin iştirak etdiyi təlimdə Maliyyə Tədris Mərkəzi tərəfindən təlimin mahiyyəti, məktəbli büdcəsinin səmərəli istifadəsi, qənaət, maliyyə məqsədlərinin düzgün qoyulması barədə məlumat verilib. Təlimin interaktiv hissəsində xüsusi oyun vasitəsi ilə şərti ailənin gəlir və xərclərinin müqayisəli təhlili aparılıb.

Sonra məktəblilərin təqdimatı dinlənilib. Bu mərhələdə 3 komanda iştirak edib. İnteraktiv mərhələdən sonra fəal iştirak edən komandalara Maliyyə Tədris Mərkəzinin sertifikatları təqdim olunub.

Xok kənd tam orta məktəbində “Naxçıvan Muxtar Respublikasının 95 illiyi”nə həsr olunmuş tədbir keçirilib

10.12.19 23:09 | 14.12.19 20:10 ərzində olan dəyişikliklər

10 dekabr 2019-cu il tarixdə Xok kənd tam orta məktəbində “Naxçıvan Muxtar Respublikasının 95 illiyi”nə həsr olunmuş tədbir keçirilib.

Tədbiri giriş sözü ilə açan məktəbin direktoru Zal Rüstəmov bildirib ki, Naxçıvan Muxtar Respublikası Ali Məclisi Sədrinin 2019-cu il 21 yanvar tarixli Sərəncamına əsasən muxtar respublikanın 95 illik yubileyinin geniş qeyd edilməsi ilə bağlı müxtəlif silsilə tədbirlər keçirilir.

Ardını oxu...

“Ümummilli lider Heydər Əliyevin anım günü ilə əlaqədar şahmat üzrə rayon birinciliyi keçirilib”

10.12.19 23:02 | 10.12.19 23:05 ərzində olan dəyişikliklər

10 dekabr 2019-cu il tarixdə Naxçıvan Muxtar Respublikası Şahmat Federasiyasının Kəngərli Rayon Bölməsinin, Kəngərli Rayon Təhsil Şöbəsinin və Uşaq-Gənclər şahmat məktəbinin birgə təşkilatçılığı ilə Şahmat Məktəbində ümummilli lider Heydər Əliyevin anım günü ilə əlaqədar rayon ümumtəhsil məktəblərinin şagirdləri arasında şahmat üzrə rayon birinciliyi keçirilib. Yarış iki yaş qrupu üzrə 10 və 14 yaş qrupunda olan şahmatçılar arasında təşkil edilib.

Ardını oxu...

Qarabağlar kənd 1 nömrəli tam orta məktəbdə Cəlil Məmmədquluzadənin “Hekayələr” kitabının müzakirəsi təşkil olunub

10.12.19 22:54 | 10.12.19 22:58 ərzində olan dəyişikliklər

Kəngərli Rayon Təhsil Şöbəsinin ümumtəhsil məktəblərində “Oxunması zəruri olan kitabların müzakirələrinin və əsərlər haqqında essenin yazılması ilə bağlı təsdiq etdiyi qrafikə əsasən, 09 dekabr 2019-cu il tarixdə Qarabağlar kənd 1 nömrəli tam orta məktəbdə Naxçıvan Muxtar Respublikası Ali Məclisi Sədrinin Sərəncamı ilə təsdiq olunmuş “Oxunması zəruri olan kitablar Siyahısı”na daxil edilən Cəlil Məmmədquluzadənin “Hekayələr” kitabının müzakirəsi təşkil olunub.

Ardını oxu...

İmaməddin Nəsiminin 650 illik yubileyinə həsr olunmuş tədbir keçirilib

10.12.19 22:35 | 10.12.19 22:46 ərzində olan dəyişikliklər

Sədərək kənd 2 nömrəli tam orta məktəbində Sədərək rayon Təhsil şöbəsinin təşkilatçılığı ilə İmaməddin Nəsiminin 650 illik yubileyi ilə bağlı tədbir keçirilmişdir. Tədbirdə Təhsil şöbəsinin Müdiri Malik İsmayılov və təhsil şöbəsinin əməkdaşları, məktəbin şagird və müəllim kollektivi iştirak etmişdir. Tədbiri giriş sözü ilə açan Təhsil şöbəsinin müdiri Malik İsmayılov vurğulamışdır ki, Prezident İlham Əliyev Cənablarının "Azərbaycan Respublikasında 2019-cu ilin "Nəsimi ili” kimi elan edilməsi haqqında” 11 yanvar 2019-cu il tarixli Sərəncamı ölməz sənətkarın həyatı və yaradıcılığının, həmişəyaşar ideallarının daha geniş miqyasda və elmi əsaslarla tanıdılmasına və təbliğ edilməsinə geniş meydan açır.

Ardını oxu...

Başqa məqalələr...