Ordubad Rayon Bist kənd tam orta məktəbində "Təbii fəlakətlər zamanı nə etməli?" mövzusunda maarifləndirici tədbir keçirilmişdir. Şagirdlərin asudə vaxtlarının səmərəli təşkili məqsədilə keçirilən tədbirdə məktəbin coğrafiya müəllimi Müseyib Bayramov şagirdlərə təbii fəlakətlər, onların necə baş verdiyi və baş verəcək hər hansı bir təbii fəlakət zamanı nə etmələri barədə məlumat vermiş, ətraflarındakı insanlara kömək edilməsi qaydalarını izah etmişdir.

Şagirdlərin sualları cavablandırılmışdır. Zəlzələ haqqında da şagirdlərə məlumat verilmiş bu cür bir hadisə baş verərsə hansı hərəkətləri etmək lazım olduğu onlara izah edilmişdir.

Sonda mövzuya aid video material nümayiş etdirilmişdir.

Fevralın 6-da   Naxçıvan şəhər 5 nömrəli tam orta məktəbdə məktəblilərin vətənə məhəbbət, dövlətçiliyə sədaqət ruhunda tərbiyə olunması və onlarda vətənpərvərlik hisslərinin yüksəldilməsi məqsədilə Azərbaycan Respublikasının Milli Qəhrəmanı Mübariz İbrahimovun şücaətli həyat yolu və döyüş qəhrəmanlığına həsr olunmuş “Mübarizlik zirvəsi” adlı sənədli film nümayiş olunmuşdur.

Naxçıvan Şəhər Təhsil Şöbəsi və Naxçıvan Şəhər Gənclər və İdman İdarəsinin birgə təşkilatçılığı ilə keçirilən tədbirdə 30 şagird iştirak etmişdir.

Naxçıvan Muxtar Respublikası Ali Məclisinin Sədri Vasif Talıbov fevralın 6-da Naxçıvan Muxtar Respublikasında 2020-ci ilin “İxrac ili” elan edilməsi haqqında Sərəncam imzalayıb.

NUHÇIXAN-ın məlumatına görə, Sərəncamda deyilir:

"Muxtar respublikada qəbul edilmiş dövlət proqramlarının uğurla icrası sosial-iqtisadi inkişafı təmin etmiş, makroiqtisadi göstəricilər bütün parametrlər üzrə artmış, yeni sənaye müəssisələri yaradılmış və yerli istehsalın həcmi çoxalmışdır.

Fevralın 6-da Culfa şəhər 3 nömrəli tam orta məktəbdə Culfa  Rayon Polis Şöbəsi, Təhsil Şöbəsi və Gənclər və İdman İdarəsinin birgə təşkilatçılığı ilə yetkinlik yaşına çatmayanların marifləndirilməsi məqsədi ilə tədbir keçirilib. Tədbirdə Culfa Rayon Təhsil Şöbəsinin aparıcı məsləhətçisi Sadiq Əliyev, Culfa Rayon Polis Şöbəsinin yetkinlik yaşına çatmayanlarla profilaktiki işin təşkili üzrə inspektoru, polis baş leytenantı Səyyad Əliyev çıxış edərək diqqətə çatdırıblar ki, bu gün muxtar respublikada yeniyetmə və gənclərin milli ruhda tərbiyəsi, onların hərbi-vətənpərvərlik tərbiyəsinin gücləndirilməsi, sosial şəbəkələrdən təhlükəsiz istifadəsinə, Naxçıvan turizm potensialı məqsədilə təbliğ olunması, tütün məhsullarının istifadəsinin zərərli təsirləri eləcə də sağlam həyat tərzinin təbliği diqqət mərkəzindədir.