Naxçıvan Muxtar Respublikası Təhsil Nazirliyinin təşkilatçılığı ilə ötən aydan start verilmiş “Abituriyent-2020: Buraxılış və qəbul imtahanları, ixtisas seçimi” mövzusunda növbəti seminar fevralın 6-da Babək Rayon Təhsil Şöbəsinin əhatə etdiyi ümumtəhsil məktəblərinin  XI siniflərində təhsil alan şagirdlər üçün keçirildi.

Seminarda Təhsil Nazirliyinin əməkdaşı Ayşən Əsgərova “2020/2021-ci tədris ili üçün bakalavriat səviyyəsi üzrə qəbul planı və 2020-ci ildə keçiriləcək qəbul imtahanının tarixləri”, Naxçıvan  Şəhər Təhsil Şöbəsinin baş məsləhətçisi Gülxanım Orucova “Buraxılış və qəbul imtahanlarına hazırlıq, ixtisas seçimi zamanı nələrə diqqət etməli”, Naxçıvan şəhər 13 nömrəli tam orta məktəbin psixoloqu Nubar Abdullayeva “Abituriyentlərə imtahan qabağı psixoloji dəstək” mövzularında çıxış edərək  abituriyentlərə keçiriləcək imtahanlara psixoloji cəhətdən hazır olmaları, imtahan dövrü nələrə diqqət etmələri ilə bağlı məlumatlar verilmişlər.

Tədbiri giriş sözü ilə Naxçıvan Muxtar Respublikası Təhsil nazirinin müavini Ovni Muradov açaraq bildirmişdir ki, Naxçıvan Muxtar Respublikası Ali Məclisi Sədrinin 14 aprel 2015-ci il tarixli Sərəncamı ilə Şərur şəhərində Fizika-Riyaziyyat Təmayüllü Lisey yaradılmışdır.  5 ildir fəaliyyət göstərən liseyin nəticələri yüksək səviyyədə olmuşdur. Belə ki, son 3 ildə liseyi bitirən 76 şagirddən hamısı, yaxud məzunların 100 faizi ali təhsil müəssisələrinə qəbul olmuş, onlardan 28-i 500-700 intervalında bal toplamışdır.  Haliyədə Liseydə 239 şagird təhsil alır. 380 şagird yerlik Liseydə 19 sinif otağı, 2 kompüter otağı, şahmat otağı, fizika, kimya və biologiya laboratoriyaları, hərbi kabinə, bufet, idman zalı fəaliyyət göstərir.

Naxçıvan şəhər 8 nömrəli tam orta məktəbdə birinci  yarımilin yekunlarına dair Pedaqoji şura iclası keçirilib.

İclasda Naxçıvan Şəhər Təhsil Şöbəsinin əməkdaşları da iştirak edib. Məktəbin direktoru Günay Novruzova birinci yarımildə görülən işlər haqqında məlumat verib, ikinci yarımildə  görüləcək işlər müzakirə olunub. Həmçinin 5-ci və 11-ci siniflərin fəallıq göstəriciləri qrafiki müəllimlərin diqqətinə çatdırılıb. Nəticələri zəif olan siniflərdə tədris aparan müəllimlərə  göstəricilərin artırılması istiqamətində tövsiyələr verilib. İclasın gündəliyində duran digər məsələlər haqqında yazılan arayışlar dinlənilib və qərar layihəsi qəbul edilib.

Sonda müəllimlərə ikinci yarımildə fəaliyyətlərində uğurlar arzulayıb.