Sədərək rayon Təhsil şöbəsinin və Uşaq Gənclər İdman məktəbinin birgə təşkilatçılığı ilə Sədərək kənd  1 nömrəli tam orta məktəbində Uşaq Gənclər İdman məktəbinin qızlardan ibarət  stolüstü tennis bölmələrinin birinciliyi keçirilmişdir.

Keçirilən yarışda Uşaq Gənclər İdman məktəbinin direktoru Nizami Bağırov çıxış edərək şagirdlərə yarışın keçirlməsi haqqında məlumat verərək uğurlar arzulamışdır.

Gərgin və bir o qədərdə maraqlı keçən oyunun sonunda I yerə Salahlı İnci Natiq qızı, II yerə Salahova Fəxriyyə Lətif qızı və III yerə isə Bağırov İnci Nizami qızı layiq görülmüşlər.

Yarışın sonunda qaliblər təşkilatçıların diplomları ilə mükafatlandırılmışlar.

Naxçıvan Muxtar Respublikası Təhsil Nazirliyi tərəfindən Naxçıvan şəhər ümumtəhsil məktəblərinin şagirdləri arasında 5 fevral 2020-ci il tarixdə Heydər Əliyev Uşaq-Gənclər Yaradıcılıq Mərkəzində Naxçıvan Muxtar Respublikasının yaradılmasının 96-cı ildönümü münasibətilə “Naxçıvan: dünən və bu gün” mövzusunda rəsm müsabiqəsi keçirilmişdir. Müsabiqədə ümumtəhsil məktəblərinin bütün yaş qruplarından olan 40 şagird iştirak etmişdir.

Naxçıvan Muxtar Respublikası Təhsil nazirinin 30 yanvar 2020-ci il tarixli 15 nömrəli əmri ilə təsdiq olunmuş Təhsil müəssisələrində Naxçıvan Muxtar Respublikasının yaradılmasının 96-cı ildönümünün qeyd olunması ilə əlaqədar Tədbirlər Planına əsasən 05 fevral 2020-ci il tarixdə Kəngərli Rayon Təhsil Şöbəsinin və Uşaq-Gənclər Yaradıcılıq Mərkəzinin birgə təşkilatçılığı ilə Qıvraq qəsəbə tam orta məktəbində şagirdlər arasında “Naxçıvan dünən və bu gün” mövzusunda rəsm müsabiqəsi keçirilib.

Sədərək kənd 2 nömrəli tam orta məktəbində Naxçıvan Muxtar Respublikasının yaradılmasının 96-cı ildönümü ilə bağlı ​ Sədərək rayon ümumtəhsil məktəblərinin şagirdləri arasında Rəsm müsabiqəsi keçirilmişdir. Müsabiqədə Rayonun ümumtəhsil məktəblərindən 22 şagirdin iştirakı təmin edilmişdir. Müsabiqədə çıxış edən Sədərək rayon Təhsil şöbəsinin əməkdaşı və Uşaq Gənclər Yaradıcılıq Mərkəzinin direktoru tədbirin keçirilməsi haqqında şagirdlərə geniş məlumat verərək uğurlar arzulamışlar.

Müsabiqənin yekun nəticəsinə əsasən Heydərbad qəsəbə tam orta məktəbin  VI sinif şagirdi Zalova Aliyə Xəyal qızı I yerə, Sədərk kən 1 nömrəli tam orta məktəbin VIII sinif şagirdi Əliyeva Xatın Ehtibar qızı IIyerə və Sədərək kənd 2 nömrəli tam orta məktəbin IX sinif şagirdi Qasımova Laləzar Afil qızı isə III yerə layiq  görülmüşlər. Qaliblər təşkilatçıların diplom və fəxri fərmanları ilə mükafatladırılmışlar.