Tədbiri giriş sözü ilə Naxçıvan Muxtar Respublikası Təhsil nazirinin müavini Ovni Muradov açaraq bildirmişdir ki, Naxçıvan Muxtar Respublikası Ali Məclisi Sədrinin 14 aprel 2015-ci il tarixli Sərəncamı ilə Şərur şəhərində Fizika-Riyaziyyat Təmayüllü Lisey yaradılmışdır.  5 ildir fəaliyyət göstərən liseyin nəticələri yüksək səviyyədə olmuşdur. Belə ki, son 3 ildə liseyi bitirən 76 şagirddən hamısı, yaxud məzunların 100 faizi ali təhsil müəssisələrinə qəbul olmuş, onlardan 28-i 500-700 intervalında bal toplamışdır.  Haliyədə Liseydə 239 şagird təhsil alır. 380 şagird yerlik Liseydə 19 sinif otağı, 2 kompüter otağı, şahmat otağı, fizika, kimya və biologiya laboratoriyaları, hərbi kabinə, bufet, idman zalı fəaliyyət göstərir.

Qeyd olunmuşdur ki liseydə müəllim hazırlığına da xususi diqqət yetirilmişdir. 22-23 fevral 2019-cu il tarixlərdə Dövlət İmtahan Mərkəzinin ekspert müəllimləri tərəfindən Şərur Şəhər Fizika-Riyaziyyat Təmayüllü Liseydə seminar keçirilmişdir.

Seminar müddətində liseydə fəaliyyət göstərən müəllimlər Marker kimi işləmək üçün, onlar kalibrləmə prosesində iştirak etmişlər. Kursu müvəffəqiyyətlə başa vurmuş 21 müəllim, Dövlət İmtahan  Mərkəzinin elektron “Məlumat bazası”na daxil edilmişdir. Sertifikat almış müəllimlər müqavilə əsasında qiymətləndirmə materiallarının hazırlanması, ekspertizası və yoxlanılması üçün marker kimi Dövlət İmtahan Mərkəzi ilə əməkdaşlığa cəlb olunacaqlar. Sonra Azərbaycan Respublikasının Dövlət İmtahan Mərkəzi publik Huquqi şəxsin Naxçıvan Muxtar Respublikası Regional Bölməsinin rəhbəri Sabir Məmmədov çıxış edərək yeni imtahan qaydaları haqında məlumat verdi. Tədbirdə Şərur Şəhər Fizika-Riyaziyyat Təmayüllü liseyin müəllimi Murad Paşayev, liseydə yaradılan şəraitdən, müəllim hazırlığına göstərilən qayğıdan danışmış, təhsilə göstərdiyi diqqətə görə Ali Məclsin Sədrinə minnətdarlığını bildirmişdir.

Tədbirin yekununda müəllimlərə marker kimi fəaliyyətlərinə icazə verən sertifikatlar verilmişdir.