Fevralən 6-da Sədərək rayon İcra Hakimiyyəti və Sədərək Rayon Təhsil Şöbəsinin birgə təşkilatçılığı ilə Sədərək kənd 2 nömrəli tam orta məktəbində müəllim kollektivinin iştirakı ilə ölkə prezidenti cənab İlham Əliyevin 2020 ci ili "Könüllülər ili" adlandırması münasibətiylə tədbir keçirilmişdir. Tədbirdə Azərbaycan Respublikasının Prezidenti İlham Əliyevin sərəncamı ilə gənclərin fərdi inkişafına təkan vermək, onlarda sosial məsuliyyət hissini artırmaq, gəncliyin potensialından xalqın rifahı və ölkəmizin dayanıqlı inkişafı üçün səmərəli istifadə etmək məqsədilə danışıqlar aparılmışdır.

Görüşün keçirilməsində əsas məqsəd 2020-ci ilin “Könüllülər ili” elan edilməsi haqqında sərəncama uyğun olaraq könüllü fəaliyyətin təşviqi, il ərzində həyata keçirilməsi nəzərdə tutulan layihə və tədbirlər, yeni təşəbbüslər barədə müzakirələrin təşkili olmuşdur. Keçirilən tədbirdə xüsusi diqqət olunan məqamlar könüllü gənc müəllimlər və gənc  şagirdlərin  aşkarlanıb, onların lazımi sahələrə yönləndirilməsi olmuşdur. Könüllü gənclər ağacəkmə və ətraf mühitin təmizlənməsi, habelə qorunması aksiyalarına dəvət edilmişlər. Gənc müəllimlər bu sahələrə canla başla çalışacaqlarına söz vermiş öz görüşlərini bildirmişlər. Məktəbin yuxarı sinifləri ətraf mühitin qorunması haqda olan  layihələrini təqdim etmişdirlər.  Tədbirin sonunda məktəbin "Könüllülər ili" ilə əlaqədar hazırlanmış tədbirlər planı açıqlanmışdır.