Naxçıvan şəhər 5 nömrəli tam orta məktəbin şagirdlərinə Cəlil Məmmədquluzadənin Ev Muzeyində ekskursiya təşkil olunmuşdur. Naxçıvan Şəhər Təhsil Şöbəsi, Gənclər və İdman İdarəsinin birgə təşkilatçılığı ilə keçirilən tədbirdə 30-a yaxın şagird iştirak etmişdir. Muzeyin elmi işçisi Kəmalə Allahverdiyeva şagirdlərə muzey haqqında geniş məlumat vermiş və bildirmişdir ki, ev muzeyi ümummilli lider Heydər Əliyevin 1998-ci il 19 iyun tarixli Sərəncamına əsasən yaradılmış, 1999-cu il oktyabrın 13-də muzeyin açılışı olmuşdur. Muzeydə böyük ədibin həyat və yaradıcılığına aid iki mindən artıq eksponat mühafizə olunur. Muzeydə nümayiş olunan Cəlil Məmmədquluzadənin əsərləri, “Molla Nəsrəddin” jurnalının müxtəlif illərə aid nüsxələri, ədibin müasirlərinə aid sənədlər və digər qiymətli eksponatlar şagirdlər tərəfindən maraqla izlənilmişdir.

Sonda şagirdləri maraqlandıran suallar muzeyin əməkdaşı tərəfindən cavablandırılmışdır.

20 Yanvar-Milli Hüzn Günü Azərbaycanın müasir tarixinin hüznlü və eyni zamanda qürur doğuran səhifəsidir. O vaxtdan 30 il ötür. Hər il olduğu kimi, bu il də Naxçıvan Qarnizonu tam orta məktəbində 20 Yanvar faciəsinin 30-cu ildönümü ilə bağlı silsilə tədbirlər həyata keçirildi.

20 yanvar Şəhidlərinin xatirəsinə həsr edilmiş, 13-18 yanvar tarixində məktəbin şagirdləri arasında şahmat, stolüstü tennis yarışları və “20 Yanvar Milli Qürur Günü” mövzusunda IX-XI sinif şagirdləri arasında inşa yazı , V-IX siniflər arasında viktorina və rəsm müsabiqəsi keçirildi.

Sədərək rayon​ Təhsil şöbəsinin ​ 08 yanvar 2020-ci il tarixli 20 yanvar hadisəsinin 30-cu ildönümünün​ keçirilməsi ilə bağlı tədbirlər planına əsasən 17 yanvar ​ 2020-ci il tarixində ​ ​ ​ Sədərək​ rayon​ Sədərək​ kənd​ 1 nömrəli ​ ​ tam​ orta​ məktəbində ​ ​ IX-XI​ sinif​ şagirdləri​ arasında​ “20​ Yanvar​ xalqımızın​ qəhrəmanlıq​ səlnaməsidir ”​ mövzusunda ​ ​ inşa yazı ​ müsabiqəsi​ keçirilmişdir.
​ ​ ​ ​ ​ Mövzu​ ilə​ əlaqədar​ məktəbin​ şagirdləri​ öz​ bilik​ və​ bacarıqlarını​ göstərmişlər. Müsabiqənin yekununda ​ münsiflər​ heyətinin​ qərarına​ əsasən​ I​ yer ​ Mustafayeva​ Zeynəb​ Afət​ qızı, II yer Bağırova​ Firuzə Sahib​ qızı, III​ yerə​ isə​ Tağıyeva​ Aygül​ Elsevər​ qızı​ laiq​ görülmüşlər.
​ ​ ​ ​ ​ Qaliblər təşkilatçıların ​ ​ diplom​ və​ fəxri fərmanları ilə ​ təltif ​ olunmuşlar.