19 fevral 2020- ci il tarixdə Culfa Rayon Təhsil Şöbəsi,  Culfa Rayon Uşaq-Gənclər Yaradıcılıq Mərkəzi və Gənc Turistlər və Diyar Şünaslıq Mərkəzinin birgə təşkilatçılığı ilə “Xocalı- tarixin qara səhifəsi” mövzusunda tədbir keçirilmişdir.

Tədbiri Culfa Rayon Təhsil Şöbəsinin əməkdaşı Ramazan Abuzərov giriş sözü ilə açaraq “ Xocalı faciəsinin ” qurbanlarını bir dəqiqəlik sükutla yad etmiş, faciə ilə əlaqədar geniş məlumat vermişdir.

19 fevral 2020-ci il tarixində Sədərək Rayon Təhsil Şöbəsinin təşkilatçılığı ilə Sədərək kənd 1 nömrəli tam orta məktəbin katabxanasında “21 fevral Beynəlxalq Ana Dili Günü” nə həsr olunmuş tədbir keçirilmişdir.

Tədbirdə Təhsil Şöbəsinin əməkdaşları, məktəbin müəllim kollektivi  və  VII -X sinif şagirdləri  iştirak etmişdir.

Bildirilmişdir ki, dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır.

19 fevral 2020-ci il tarixdə Babək rayon ümumi təhsil məktəblərinin VIII-XI sinif şagirdləri arasında Xocalı soyqırımının 28-ci ildönümü ilə əlaqədar  şeir müsabiqəsi keçirilmişdir.

2 saat davam edən  müsabiqədə  25 məktəbdən 32 şagird iştirak etmişdir. Məktəblərdən Babək qəsəbə 2 və 1 nömrəli tam orta məktəbləri, Nehrəm kənd 2 və 3 nömrəli tam orta məktəbləri, eləcə də Didivar, Şıxmahmud, Hacıvar, Uzunoba kənd tam orta məktəbləri fəallıq göstəriblər.