Daxili İşlər, Təhsil, Gənclər və İdman Nazirliklərinin birgə təsdiq etdiyi “ Naxçıvan Muxtar Respublikasında yetkinlik yaşına çatmayanlarla aparılan profilaktiki işlərə dair Tədbirlər Planı”nın icrasını təmin etmək ​ məqsədi ilə Sədərək rayon Sədərək ​ kənd 1 nömrəli​ tam orta məktəbində ​ yetkinlik yaşına çatmayanların maarifləndirilməsi məqsədi ilə tədbir keçirilib.

Hüseynli Rafiq Anar oğlu 1 iyul 2011-ci il tarixdə Naxçıvan şəhərində anadan olmuşdur. İdmanın Karate-do növü ilə 6 yaşından  məşğul olur. O, bu idman növü üzrə Naxçıvan Muxtar Respublikası açıq çempionatının, müxtəlif beynəlxalq turnir və çempionatın qalibi olmuşdur. Rafiq 24-26 may 2019-cu il tarixlərdə Rumıniyanın Buxarest şəhərində keçirilən 10-cu Dünya Şotokan Karate Çempionatında WKF və Shobu sanbon qaydaları üzrə I yeri tutaraq çempion olmuşdur. Ən böyük  qələbəsi isə 1-3 noyabr 2019-cu il tarixlərdə Şimali Makedoniyanın Skopya şəhərində keçirilən 11-ci Avropa Şotokan Karate Çempionatında WKF, Shobu sanbon və Shobu İppon qaydaları üzrə qalib olaraq 3 qızıl medal qazanmışdır.

11-13 fevral 2020-ci il tarixlərdə Bakı şəhərində keçirilən müsabiqədə Naxçıvan şəhər 8 nömrəli tam orta məktəbin XI sinif şagirdləri Bağırov Siyavuş Mehdi oğlu, Qulusoy Araz Cavanşir oğlu “Ferma nöqtəsindən istifadə etməklə 3 qəsəbə arasında ən uyğun məntəqənin tapılması” mövzusunda hazırladıqları layihə   “Sabahın alimləri” IX Respublika müsabiqəsində III yerə layiq görülmüşdür.