13 fevral 2020-ci il tarixdə Sədərək rayon Şahmat məktəbində Sədərək Rayon Gənclər və İdman İdarəsinin, Təhsil Şöbəsinin, Naxçıvan Muxtar Respublikası Şahmat Federasiyasının Sədərək Rayon Bölməsinin birgə təşkilatçılığı ilə yeniyetmə və gənclər arasında Naxçıvan Muxtar Respublikasının 96-cı ildönümünə həsr olunmuş şahmatın tempo növü üzrə rayon birinciliyi keçirilib.
Yarışda qızlar arasında İbrahimzadə Nurşən I yerin, Kazımova Fatimə II yerin, Hüseynova Aytən III yerin, oğlanlar arasında Zamanov Cəlil I yerin, Əlizadə İsmayıl II yerin, İbrahimzadə Anar III yerin sahibi olmuşlar.
Qaliblər təşkilatçılar tərəfindən diplomlar və kiçik məbləğdə pul mükafatları ilə mükafatlandırılmışdır.
13 fevral 2020-ci il tarixdə Kəngərli Rayon Təhsil Şöbəsinin təşkilatçılığı ilə Qarabağlar kənd 1№-li tam orta məktəbdə gənclərin sosial təşəbbüskarlığını artırmaq, innovativ təfəkkürünü inkişaf etdirmək məqsədilə “Gənclər dövlət qayğısını daim öz üzərində hiss edir” mövzusunda gənc müəllimlərlə görüş keçirilib. 
Daxili İşlər, Təhsil, Gənclər və İdman Nazirliklərinin birgə təsdiq etdiyi “ Naxçıvan Muxtar Respublikasında yetkinlik yaşına çatmayanlarla aparılan profilaktiki işlərə dair Tədbirlər Planı”nın icrasını təmin etmək məqsədi ilə Sədərək rayon Sədərək kənd 1 nömrəli tam orta məktəbində yetkinlik yaşına çatmayanların maarifləndirilməsi məqsədi ilə tədbir keçirilib. 
