Dekabrın 27-də Naxçıvan Şahmat Mərkəzində Naxçıvan Muxtar Respublikası Şahmat Federasiyasının 2019-cu ilin yekunları ilə bağlı tədbiri keçirilib. Əvvəlcə rayon şahmat məktəblərinin direktorları 2019-cu ildəki fəaliyyət barədə hesabat veriblər. Naxçıvan Muxtar Respublikası Şahmat Federasiyasının sədr müavini Emin Hacıyev isə federasiya üzrə 2019-cu ildə görülən işlərdən danışıb, yaradılan şəraitə görə Naxçıvan Muxtar Respublikası Ali Məclisinin Sədrinə şahmatçılar adından minnətdarlıq edib.

27 dekabr 2019-cu il tarixdə Şahbuz şəhər 1 nömrəli tam orta məktəbdə "31 Dekabr Dünya Azərbaycanlılarının Həmrəyliyi Günü" və Yeni il bayramı ilə əlaqədar rayonun ümumtəhsil məktəblərinin komandaları arasında bilik yarışı keçirildi. Yarışın keçirilməsi üçün Rayon Təhsil Şöbəsi tərəfindən əsasnamə hazırlanmış və bilik yarışı həmin əsasnaməyə uyğun keçirilmişdir. Yarışın keçirilməsində məqsəd şagirdlərə vahid ideya ətrafında birləşməyi aşılamaqdan və tariximizlə bağlı müəyyən hadisələri öyrənməkdən ibarətdir.

27 dekabr 2019-cu il tarixində  Sədərək rayon Təhsil şöbəsinin təşkilatçılığı  ilə  Sədərək rayon Tarix Diyarşünaslıq  Muzeyində açıq dərs keçirilmişdir. Sədərək kənd 2 nömrəli tam orta məktəbin tarix müəllimi Vüqar Zamanov  və  VII sinif şagirdlərinə  “Tariximiz  keçmişimizdir” mövzusunda açıq dərs tədris etmişdir.

Keçirilən dərslə bağlı  müəllim şagirdlərə bildirmişdir ki, bu gün biz Sədərək rayonunda yerləşən tarix diyarşünaslıq müzeyində açıq dərs tədris edirik və bu bizim üçün əlverişli imkanlar yaradır ki, biz dərsimizi məhs burada yerləşən tarixi eksponadlarla  izah edirik deyə vurğlamışdır.

26 dekabr 2019-cu il tarixdə Sədərək rayon Təhsil şöbəsinin, Uşaq Gənclər Şahmat məktəbinin birgə təşkilatçılığı ilə ilk olaraq rayonda yerləşən Tarix Diyarşünaslıq Muzeynə şagird və müəllimlərlə birgə baxış keçirilmiş şagirdləri maraqlandıran sulara muzeyin bələdçisi İsmayıl Tağıyev  cavablandırlmışdır.  Daha sonra  Rayon Uşaq Gənclər Şahmat  Məktəbində "31 Dekabr Dünya Azərbaycanlılarının Həmrəyliyi Günü" və Yeni il bayramı ilə əlaqədar rayon ümumtəhsil məktəbləri arasında şahmat yarışı keçirilmişdir.