Ordubad rayon Texniki Yaradıcılıq Mərkəzinin dərnək üzvləri uşaqların qış tətilinin səmərəli keçirilməsi məqsədilə Ordubad rayonunda yerləşən muzeylərə ekskursiya ediblər. Dərnək üzvləri Ordubad şəhərində yerləşən Akademik Yusif Məmmədəliyevin Ev Muzeyində olub. Məlumat verilib ki,  muzey 1975-ci ildə ümummilli lider Heydər Əliyevin təşəbbüsü ilə, alimin qazandığı misilsiz elmi nailiyyətlərinin uğuru nəticəsində 75 illiyi münasibətilə yaradılıb. Muzey dörd ekspozisiya zalından ibarətdir.  Muzeydə ədibin həyat və fəaliyyətini əks etdirən fotoşəkillər nümayiş etdirilir.

Məktəblilərə əmək vərdişləri aşılamaq, sənət və peşələrlə ilkin tanışlıq, daxili bazarın tələbatının dolğun ödənilməsində görülən genişmiqyaslı işlərlə tanışlıq məqsədilə Naxçıvan Muxtar Respublikası Texniki Yaradıcılıq Mərkəzi qış tətili günlərində Muxtar Respublikanın bir sıra sənaye müəssisəsinə ekskursiyalar təşkil edir. Belə ekskursiya-lardan biri də Naxçıvan Muxtar Respublikası Texniki Yaradıcılıq Mərkəzinin Tədbirlər Planına əsasən Naxçıvan Gəmiqaya Mebel Fabriki MMC-də təşkil olundu. Mərkəzin bir qrup dərnək rəhbəri və dərnək üzvləri əvvəlcə fabrikin kəsim sexində oldular. Burada ayrı- ayrı mebel hissələrinin kəsilməsi prosesi izlənildi. Döşək hazırlanması sexində döşək və yorğanların hazırlanması texnologiyası haqqında ekskursiya iştirakçılarına məlumat verildi.

Əbrəqunus kənd tam orta məktəbinin idman zalında 02 fevral Gənclər Günü ilə əlaqədar Əbrəqunus və Bənəniyar kənd tam orta məktəbin oğlan komandaları arasında voleybol üzrə yoldaşlıq görüşü keçirilmişdir.

Yekun nəticəyə əsasən Əbrəqunus kənd tam orta məktəbin komandası 3:0 hesabilə qələbə qazanmışdır.

Fərqlənən idmançılara diplom təqdim olunmuşdur.

Dövlət İmtahan Mərkəzi “Abituriyent” jurnalının xüsusi buraxılışında ümumi (9 illik) orta təhsil səviyyəsi üzrə buraxılış imtahanı üçün fənlər üzrə alt standartlar, proqramlar, hər iki mərhələ üzrə tapşırıq nümunələri və qiymətləndirmə meyarları, ümumi orta təhsil səviyyəsində yeni təhsil proqramları (kurikulumları) üzrə təhsilalanların biliyinin yekun qiymətləndirilməsi (attestasiyası) modelini dərc edib.