“Mən bu yurdun övladıyam” adlı rəsm müsabiqəsi keçirilib


11 fevral 2020-ci il tarixdə Naxçıvan Dövlət Rəsm Qalereyasının və Kəngərli Rayon Təhsil Şöbəsinin birgə təşkilatçılığı ilə rayon ümumtəhsil məktəblərinin şagirdləri arasında “Mən bu yurdun övladıyam” adlı rəsm müsabiqəsi keçirilib. Müsabiqənin keçirilməsində məqsəd böyüməkdə olan nəslə qədim və müasir Naxçıvanın daha dərindən öyrədilməsi, ümumtəhsil məktəblərində təhsil alan istedadlı yeniyetmə və gənclərin aşkar edilib üzə çıxarılması  və onların yaradıcılıq potensialının inkişaf etdirilməsidir.

Ardını oxu...

Babək qəsəbə 2 nömrəli tam orta məktəbində bilik yarışması keçirilmişdir

Fevralın 10-da Babək rayon Qəsəbə 2 nömrəli tam orta məktəbdə Qəsəbə 1 və Qəsəbə 2 nömrəli tam orta məktəbin şagirdləri arasında şagirdlərin biliyini inkişaf etdirmək, şagirdlərin güclü və zəif tərəflərini müəyyən etmək  məqsədilə  tarix və ingilis dili fənni üzrə viktorina keçirilmişdir. Viktorinada hər fənn üzrə 20 sual şagirdlərə təqdim  edilmişdir. Viktorinada 4 komandadan ibarət olmaqla 20 şagird  iştirak etmişdir. I yerə Babək qəsəbə 1 nömrəli tam orta məktəbin “Xəzər” komandası, II yerə Babək qəsəbə 2 nömrəli tam orta məktəbin “Sülh” komandası, III yerə  Babək qəsəbə 2 nömrəli tam orta məktəbin “Zəka” komandası,  Babək qəsəbə 1 nömrəli tam orta məktəbin “Zirvə” komandası isə həvəsləndirici yerə layiq görülmüşdür.

Sonda qaliblər Babək Rayon Təhsil Şöbəsinin diplomları ilə təltif edilmişdir.

Naxçıvanlı şagirdlər “Sabahın alimləri” IX Respublika müsabiqəsində iştirak edirlər

Təhsil sahəsində aparılan islahatlar, orta ümumi təhsil müəssisələrində tətbiq olunan kurikulumlar yeni düşüncəli, geniş dünyagörüşlü gənclərin hazırlanmasına yönəldilmişdir. Bu gün məktəblərdə  tədqiqatlar aparmağa, yeni informasiya texnologiyalarından istifadə etməyə geniş imkanlar yaradılır. Bu işlərin aparılmasında əsas məqsəd şagirdlərə kiçik yaşlarından elmi vərdişlər aşılamaq, onları yeni elmi axtarışlara, ətraf mühiti yaxşılığa doğru dəyişdirməyə sövq etməkdən ibarətdir.

Ardını oxu...

Xalqın sevgisi RƏHBƏRİN qələbəsidir

Bəzi yazılar vardır ki, sadəcə duyğu ilə yazılır. Həmin yazılarda rəqəmlərə, statistikaya, sözçülüyə gərək yoxdur. Çünki yazının mövzusu hər bir insanın yaşadığı real həyatın lap özü olur. Kiməsə nəyisə göstərməyə, sadalamağa ehtiyac yoxdur. Sadəcə xatırlatmaq kifayətdir. 9 fevral Azərbaycan Respublikası Milli Məclisinə və Naxçıvan Muxtar Respublikası Ali Məclisinə növbəti seçkilər günü kimi tarixə çevrildi. Bu tarix bir çox cəhətləri ilə yaddaşlara həkk olundu. Birincisi xalqımız növbəti dəfə ölkə Prezidenti cənab İlham Əliyev tərəfindən uğurla davam etdirilən ümummilli lider Heydər Əliyev siyasi xəttinin ətrafında birləşdi. Bu xəttin müstəqil Azərbaycana bəxş etdiyi SABİTLİYƏ, İNKİŞAFA və RİFAHA səs verdi.

Ardını oxu...

“Şahmat beynin gimnastikasıdır” devizi altında şahmat üzrə şəxsi birinciliyə start verilmişdir

 

Fevralın 10-da tarixdə Şahmat Mərkəzində “Şahmat beynin gimnastikasıdır” devizi altında Naxçıvan şəhər ümumtəhsil məktəblərinin V-VI sinif oğlan şagirdləri arasında şahmat üzrə şəxsi birinciliyə start verilmişdir. Naxçıvan Şəhər Təhsil Şöbəsi, Naxçıvan Şəhər Gənclər və İdman İdarəsi və Uşaq-Gənclər Şahmat Məktəbinin rəhbərlik etdiyi birincilikdə 17 tam orta məktəbdən ümumilikdə 51 şagird iştirak edirdi. Qeyd edək ki, yarış “İsveçrə” sistemi ilə 5 turdan ibarət olaraq keçirilib.

Birincilik 3 gün davam edəcəkdir. Final oyunları 12 fevral 2020-ci il tarixdə keçiriləcəkdir.

 

  • 1.jpg
  • 2.jpg
  • 3.jpg
  • 4.jpg
  • 5.jpg
  • 6.jpg
  • 7.jpg
  • 8.jpg
  • 10.jpg
  • 11.jpg
  • 12.jpg
  • 13.jpg
  • 14.jpg
  • 15.jpg
  • 16.jpg
  • 17.jpg
  • 18.jpg
  • 19.jpg
  • 20.jpg
  • 21.jpg