Xəbərlər

Naxçıvan Muxtar Respublikası Təhsil Nazirliyində vakant 3 inzibati vəzifə üçün daxili müsahibə elan edilib

12.01.24 14:38 | 12.01.24 14:52 ərzində olan dəyişikliklər

Naxçıvan Muxtar Respublikasının Təhsil Nazirliyində 3 inzibati vəzifə Azərbaycan Respublikası Dövlət İmtahan Mərkəzi tərəfindən 10 yanvar 2024-cü il tarixində elan edilmiş daxili müsahibəyə verilib.
Elan üçün sənəd qəbulu Dövlət İmtahan Mərkəzinin internet portalı (dim.gov.az.) vasitəsilə həyata keçirilir. 24 yanvar 2024-cü il tarixinədək sənəd qəbulu davam edəcəkdir.
Namizədlər vəzifə haqqında məlumat, müsahibə proqramı və müraciət forması ilə aşağıdaki linkdən tanış ola bilərlər:

https://exidmet.dim.gov.az/dqq/Elan/DxMshMshElanList?ElanID=534

Yusif Məmmədəliyev adına kimya-biologiya olimpiadasının final turunun qalibləri mükafatlandırılıb

12.01.24 14:30

Yanvarın 11-də Naxçıvan Muxtar Respublikası Təhsil Nazirliyinin təşkilatçılığı ilə ilk dəfə keçirilən dünya şöhrətli kimyaçı alim, akademik Yusif Məmmədəliyevə həsr olunmuş kimya-biologiya olimpiadasının qaliblərinin mükafatlandırma tədbiri keçirilib.
Tədbirdə Naxçıvan Muxtar Respublikası Təhsil Nazirliyi Aparatının sektor müdiri Məmməd Bayramov olimpiadanın əhəmiyyəti və təşkilarti işlər barədə məlumat verib.

Ardını oxu...

Məktəblilər arasında fizika-riyaziyyat olimpiadası keçiriləcək

12.01.24 14:23

Naxçıvan Muxtar Respublikası Təhsil Nazirliyinin təşkilatçılığı ilə
V-VIII sinif şagirdləri arasında Nəsrəddin Tusi adına fizika-riyaziyyat fənləri üzrə olimpiada keçiriləcək.

Olimpiadanın 3 turdan ibarət keçirilməsi nəzərdə tutulub:

Məktəb turu: 23 yanvar 2024-cü il

Rayon turu: 17 fevral 2024-cü il

Muxtar Respublika turu: 16 mart 2024-cü il

Olimpiadanın keçirilməsində əsas məqsəd istedadlı şagirdləri aşkar etmək, onların potensial imkanlarının inkişafını təmin etmək, beynəlxalq olimpiadalara namizəd şagirdləri müəyyənləşdirməkdən ibarətdir.

Qeyd edək ki, rayon mərhələsinin qalibləri diplom, təltifnamə, muxtar respublika mərhələsinin qalibləri isə Naxçıvan Muxtar Respublikası Təhsil Nazirliyi tərəfindən fəxri fərman və qiymətli hədiyələrlə təltif olunacaq.

Naxçıvanda 2023-cü ilin təhsil yekunlarına dair mükafatlandırma tədbiri keçirilib

30.12.23 18:21

Dekabrın 30-da Naxçıvan şəhərindəki Duzdağ oteldə Ümummilli Lider Heydər Əliyevin 100 illiyi və 31 Dekabr - Dünya Azərbaycanlılarının Həmrəyliyi Gününə həsr olunmuş 2023-cü ilin təhsil yekunlarına dair mükafatlandırma tədbiri keçirilib.
Tədbirdə əvvəlcə Ümummilli Lider Heydər Əliyevin və şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının Dövlət Himni səsləndirilib.
Dünya Azərbaycanlılarının Həmrəyliyi Günü və Yeni il münasibətilə təbriklərini çatdıran Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli geridə qoyduğumuz ili ölkəmiz üçün əlamətdar il kimi dəyərləndirib.

Ardını oxu...

Tədris–köməkçi heyət vəzifələri üzrə işə qəbul müsabiqəsinin kitabxanaçı vəzifəsi üçün müsahibə mərhələsinin nəticələri elan olunub

29.12.23 20:25 | 29.12.23 20:51 ərzində olan dəyişikliklər

Dekabrın 28 və 29–da kitabxanaçılar üçün keçirilən işə qəbul müsabiqəsinin müsahibə mərhələsinin nəticələri elan olunub.

Qeyd edək ki, Naxçıvan Muxtar Respublikası Təhsil Nazirliyinin tabeliyində fəaliyyət göstərən təhsil müəssisələrində vakant olan tədris–köməkçi heyət vəzifələri üzrə işə qəbul müsabiqəsinə dekabrın 25-dən başlanılıb. 5 fevral 2024-cü ilə kimi davam edəcək müsahibədə namizədlərin vəzifə bilikləri, peşəkar kompetensiyaları, psixoloji hazırlığı və dünyagörüşü müvafiq meyarlar əsasında 5 ballıq şkala ilə müvafiq komissiya tərəfindən yoxlanılır. Namizədlər meyarlar üzrə ortalama 2,5 bal topladıqda bu mərhələni uğurla keçmiş sayılır.

Kitabxanaçılar üçün keçirilən işə qəbul müsabiqəsinin müsahibə mərhələsinin nəticələri ilə bağlı qrafiklə aşağıdakı link vasitəsi ilə tanış ola bilərsiniz.

Kitabxanaçı vəzifəsinə namizədlərin müsahibə mərhələsinin nəticələrinin qrafiki

Başqa məqalələr...