Fuad Nəcəfli 27 Sentyabr-Anım Gününə həsr olunmuş dərsdə iştirak edib

Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli Naxçıvan şəhər 8 nömrəli tam orta məktəbdə 27 Sentyabr - Anım Gününə həsr olunan dərsdə iştirak edib. 9 A sinfinin şagirdləri Fuad Nəcəflinin 27 Sentyabr - Anım Günü ilə bağlı suallarını cavablandırıblar. 
Azərbaycanın dövlətçilik tarixindən və Ulu Öndər Heydər Əliyevin Azərbaycana rəhbərliyinin hər iki dövründən söhbət açan səlahiyyətli nümayəndə bildirib ki, Sovet ittifaqında rəhbər vəzifələrdə çalışan Ümummilli Lider öz gərgin əməyi sayəsində Azərbaycan Respublikasını digər SSRİ respublikaları arasında önə çıxarıb, hər zaman Azərbaycan xalqını, onun maraq və mənafeyini bütün maraqlardan üstün tutub.

Ardını oxu...

Xatirə Muzeyi ilə muxtar respublikanın ümumtəhsil məktəbləri arasında 27 sentyabr- Anım Günü ilə bağlı interaktiv dərs keçirilib, ilk dərs saatları Anım Gününə həsr olunub

İnteraktiv dərsi Şahbuz şəhər 1 nömrəli tam orta məktəbinin tarix müəllimi Rauf Bağırov aparıb. Bildirilib ki,  27 sentyabr Azərbaycan Respublikasının Prezidenti cənab İlham Əliyevin 2020-ci il 2 dekabr tarixli Sərəncamı ilə Anım Günü kimi qeyd edilir. Bu təqvimin Azərbaycan tarixində çox mühüm əhəmiyyəti var. Məhz 2020-ci ilin bu günündə Azərbaycan Silahlı Qüvvələri Ali Baş Komandan cənab İlham Əliyevin rəhbərliyi ilə torpaqlarımızın işğaldan azad olunması üçün mübarizəyə qalxmış və 44 gün ərzində öz müqəddəs məqsədinə çataraq Vətənimizin ərazi bütövlüyünü təmin etmişdir.

Ardını oxu...

Naxçıvanda ilk dəfə olaraq 66 müəllim müddətli müqavilə əsasında işlə təmin olunub

Bu gün dövlətimiz tərəfindən  muxtar respublikada  təhsil sahəsində həyata keçirilən məqsədyönlü  tədbirlərdən biridə ümumtəhsil məktəblərinin ixtisaslı kadrlarla təminatının yaxşılaşdırılmasıdır. 2018-ci ildən bu günədək Müəllimlərin İşə Qəbul müsabiqəsində yüksək nəticə göstərən gənclərdən 1027-si  müəllim, 258-i isə müxtəlif vəzifələrə olmaqla, ümumilikdə 1285 gənc kadr işlə təmin olunmuşdur.
2023-2024-cü tədris ili üçün də  Naxçıvan Muxtar Respublikası Təhsil Nazirliyi tərəfindən Müəllimlərin İşə Qəbulu üzrə müsabiqəyə müxtəlif ixtisaslar üzrə 200 vakant yer çıxarılmış, elan olunan  vakansiyaya 1352-i kadr  qeydiyyatdan keçmişdir. 3-14 iyul tarixlərində keçirilən Müəllimlərin  İşə Qəbul imtahanında 966 namizəd keçid balını toplamış, onlardan 136-sı ən yüksək nəticə göstərdiyindən sentyabrın 15-dən ümumtəhsil məktəblərində müəllim kimi fəaliyyətə başlamışdır. Bu tədbirlərin davamı olaraq sentyabrın 14-dən  ümumtəhsil müəssisələrində  vakant yerlərin kadr təminatını ödəmək üçün Müəllimlərin İşə Qəbulu imtahanında tutulmayan və ya yeni yaranan vakant yerlərə müvafiq keçid balını toplayan namizədlərin  muxtar respublikada ilk dəfə olaraq  müddətli müqavilə əsasında işə qəbulu prosesi həyata keçirilib.

Ardını oxu...

Heydər Əliyev adına tam orta məktəbdə 15 sentyabr- Bilik Günü ili ilə bağlı tədbir keçirilib

Tədbirdə əvvəlcə Azərbaycan Respublikasının Dövlət Himni səsləndirilib.
Tədbirdə Naxçıvan Şəhər İcra Hakimiyyətinin başçısı Mirsənani Seyidov çıxışında “Heydər Əliyev ili” ndə yeni tədris ilinin Ümummilli Lider Heydər Əliyevin adını daşıyan məktəbin önündə qarşılamağın xüsusi əhəmiyyət kəsb etdiyini bildirib.  Ötən tədris ilinin muxtar respublika təhsili üçün uğurlu olduğunu qeyd edən İcra Hakimiyyətinin başçısı müəllim və şagirdlərə müvəffəqiyyətlər arzulayıb.
Naxçıvan Muxtar Respublikası təhsil nazirinin müavini, nazir vəzifələrinin müvəqqəti icra edən Ovni Muradov bildirib ki, bu gün muxtar respublikada  Ulu Öndərin müəllifi olduğu təhsil strategiyası  prezident cənab İlham Əliyev tərəfindən  uğurla həyata keçirilir. Ölkə başçısının müvafiq Sərəncamı ilə qəbul edilən “Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı”da digər sahələr kimin təhsilin bütün pillələrinin inkişafı üçün də prioritet istiqamətlər müəyyənləşdirilib. Dövlət Proqramının icrası muxtar respublikada təhsilin inkişafına öz töhfəsini verəcək.

Ardını oxu...

Sosial qayğıya ehtiyacı olan uşaqlara məktəbli forması və dərs ləvazimatları verilib

Əsası ümummilli lider Heydər Əliyev tərəfindən qoyulan dövlət uşaq siyasəti bu gün ölkəmizdə uğurla həyata keçirilir. Muxtar respublikada da bütün kateqoriyadan olan uşaqlara, o cümlədən sosial qayğıya ehtiyacı olan uşaqlara daim diqqət və qayğı göstərilir, onların sosial reabilitasiyası, təlim-tərbiyələri, asudə vaxtlarının təşkili, cəmiyyətə inteqrasiyası, təhsil hüquqlarının həyata keçirilməsi və intellektual səviyyələrinin yüksəldilməsi diqqət mərkəzində saxlanılır. Bu tədbirlərin davamı olaraq 14 sentyabr 2023-cü il tarixdə Naxçıvan Muxtar Respublikasının Təhsil, Əmək və Əhalinin Sosial Müdafiəsi nazirliklərinin, Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin birgə təşkilatçılığı ilə   15 sentyabr- Bilik Günü mühasibətilə aztəminatlı, valideynlərini itirmiş, sağlamlıq imkanları məhdud uşaqlara məktəbli forması və dərs ləvazimatları verilib.
Bu münasibətlə keçirilən tədbirdə çıxış edən Naxçıvan Muxtar Respublikasında Azərbaycan Respublikası Prezidentinin Səlahiyyətli Nümayəndəliyi Aparatının əməkdaşı Pənah Mehdiyev ölkəmizdə digər sahələr kimi təhsilə göstərilən xüsusi diqqət və qayğıdan danışıb.

Ardını oxu...

 

  • 1.jpg
  • 2.jpg
  • 3.jpg
  • 4.jpg
  • 5.jpg
  • 6.jpg
  • 7.jpg
  • 8.jpg
  • 10.jpg
  • 11.jpg
  • 12.jpg
  • 13.jpg
  • 14.jpg
  • 15.jpg
  • 16.jpg
  • 17.jpg
  • 18.jpg
  • 19.jpg
  • 20.jpg
  • 21.jpg