Naxçıvan Muxtar Respublikası Ali Məclisinin Sədri yanında Dövlət Qulluğu Məsələləri üzrə Komissiya Naxçıvan Muxtar Respublikasında müəllimlərin dövlət ümumi təhsil müəssisələrinə işə qəbulu üçün müsabiqə elan edilib.

Müsabiqəyə 229 vakant vəzifə çıxarılıb. Ən çox vakant vəzifələr Şərur (55 yer), Ordubad (49 yer), Şahbuz (37 yer) və  Babək (24 yer) rayonları üzrədir. Vakant vəzifələr sırasında Coğrafiya (44 yer), İngilis dili (29 yer), İbtidai sinif müəllimliyi (22 yer), Biologiya (21 yer) və Kimya (21 yer) ixtisasları üstünlük təşkil edir.

Naxçıvan Muxtar Respublikası Gənclər və İdman, Təhsil nazirlikləri və Hava və Ekstremal İdman Növləri Federasiyasının birgə təşkilatçılığı ilə keçirilən süni divara dırmanma üzrə muxtar respublika çempionatına yekun vurulub.

9 noyabr – Dövlət Bayrağı Gününə həsr edilən birincilikdə muxtar respublikanın şəhər və rayon komandaları mübarizə aparıblar. Birincilik şəxsi və komanda yarışlarından ibarət olub.

Naxçıvan Texniki Kollecində Dövlət Bayrağı Günü münasibətilə tədbir keçirilib. Əvvəlcə Azərbaycan Respublikasının Dövlət himni oxunub.

Bildirilib ki, Azərbaycan Xalq Cümhuriyyətinin yadigarı olan, azadlıq məfkurəsinə, milli-mənəvi dəyərlərə və ümumbəşəri idealara sadiqliyimizi nümayiş etdirən bayrağımız 1990-cı il noyabrın 17-də ümummilli lider Heydər Əliyevin rəhbərliyi ilə Naxçıvanda əbədi yüksəkliyə qaldırılıb.

9 Noyabr – Dövlət Bayrağı Günü münasibətilə Naxçıvan Muxtar Respublikası Təhsil Nazirliyi tərəfindən muxtar respublikanın ümumtəhsil məktəblərinin şagirdləri arasında “Bayrağımız qürurumuzdur” mövzusunda rəsm müsabiqəsi keçirilib.

Tədbirdə Naxçıvan Muxtar Respublikası Təhsil nazirinin müavini Heyran Əhmədova çıxış edərək müsabiqənin əhəmiyyətindən danışıb.