Sədərək rayon Sədərək  kənd  2 nömrəli tam orta məktəbində Naxçıvan Muxtar Respublikasının 95 illik yubileyinə həsr olunmuş intellektul bilik yarışması keçirilmişdir. Yarışda Rayon Təhsil Şöbəsinin müdiri Malik İsmayılov çıxış ederək vurğulamışdır ki, Naxçıvan Muxtar Respublikası Ali Məclisinin Sədri Cənab Vasif Talıbovun 21 yanvar 2019-cu il tarixli Sərəncamı ilə təsdiq olunmuş “Naxçıvan Muxtar Respublikasının 95 illik yubileyinə həsr olunmuş Tədbirlər Planı”na əsasən muxtar respublikamızın hər yerində olduğu kimi Sədərək rayon  ümumtəhsi məktəblərində də 2019-cu il ərzində müxtəlif tədbirlər keçirilmişdir.

Muxtar respublikamızın keçmişini və bu gününü özündə əks etdirən inşa, şeir, rəsm müsabiqələrində, keçirilən ayrı-ayrı idman növləri üzrə yarışlarda şagirdlərimiz  həvəslə iştirak edərək doğma vətənimizə öz sevgilərini nümayiş etdirmişlər.

İntellektual oyunların keçirilməsində əsas məqsəd yetişməkdə olan gənc nəslə doğma yurdumuzun keçmişini və bu gününü, son illərin sosial-iqtisadi inkişafını, onun zəngin təbiətini, fauna və florasını, ədəbi mühitini, Naxçıvanlı şair və yazıçıları, onların Naxçıvan haqqındakı əsərlərini bir daha xatırlatmaq olmuşdur. Deyə vurğulamışdır.

Yarışda Rayon Təhsil şöbəsinin əməkdaşları  və 2 nömrəli məktəbin şagird müəllim kollektivi iştirak etmişdir. Yarış məktbin IX-XI sinifləri arasında Kəhriz, Sərhədçi, Nuh yurdu, NOT-XI-lər və Məzunlar komandalarının arasında  baş tutmuşdur. gərgin və bir o qədərdə maraqlı keçən yarışda Məktəbin X^a sinifinin Nuh Yurdu komandası I yerə, IX^a sinifinin Kəhriz komandası II yerə, X^b sinifinin Sərhədçi komandası III yerə laiq görülmüşdür.                                                                              Sonda komanda üzvləri Təhsil şöbəsinin və  məktəb rəhbərliyi tərəfindən mükafatlandırılmışlar.