Naxçıvan  şəhər   8 nömrəli  tam orta  məktəbdə 28  fevral  2020-ci  il  tarixdə  həmin  məktəbin  ingilis  dili  müəllimi  Turac  Hacıyevanın     X  sinfində  “Natural  Disasters”   mövzusunda  açıq  dərsi  keçirilmişdir. Dərsdə  Naxçıvan  Şəhər  Təhsil  Şöbəsinin   əməkdaşları,  məktəb  rəhbərliyi, müəllimlər və Naxçıvan Şəhər  1, 7, 11 və 17 nömrəli məktəblərin ingilis dili müəllimləri iştirak  etmişdir.  Əvvəlcə dərsdə tarix fənni ilə inteqrasiya yaradılaraq  şagirdlər   tərəfindən  fevral  ayında  baş  verən  hadisələr  haqqında  qısa  məlumat  verildi. Şagirdlərdə  vətənpərvərlik  hislərinin təbliği məqsədilə “Xocalı  faciəsi”  və  Milli  qəhrəman Mübariz  İbrahimov  haqqında  danışıldı.

28 fevral 2020-ci il tarixdə Naxçıvan şəhər 16 nömrəli tam orta məktəbdə  “Oxunması zəruri olan kitablar" siyahısına daxil olan Nizami Gəncəvinin “Sirlər Xəzinəsi” poemasının müzakirəsi keçirilmişdir. Müzakirədə məktəbin şagirdləri, ədəbiyyat və ingilis dili müəllimləri iştirak ediblər. N. Gəncəvinin həyat və yaradıcılığından, poemanın məzmun və ideyasından  danışılıb, şagirdlər tərəfindən hazırlanmış səhnəciklər göstərilibdir.

Poemadan hissələr ingilis dilində qiraət olunmuşdur.

Fevralın 28-də Şərur Şəhər Fizika Riyaziyyat Təmayüllü Liseyin laboratoriyasında VIII sinif kimya fənnindən açıq dərs keçirilmişdir. Kimya müəllimi Qurban Babyev qeyri-üzvi birləşmələrin mühüm sinifləri mövzusunda müvafiq avadanlıqlardan istifadə edərək təcrübələr aparmışdır.Müəllim mis (II) xloridlə və natrium-hidroksid arasında CU²⁺, Mn ⁷⁺ Mn ³⁺ ionlarının təyini, Mg-un havada yanması, natriumun su ilə reaksiyası aparmış və sonda müşahidə olunan reaksiyası tənliklərini lövhədə yazıb uşaqlara geniş izah vermişdir. Aparılan təcrübbələr şagirdlərin kimya fənninə olan marağının artmasında və təcrübələr əsasında kimyəvi reaksiyaların öyrənilməsində olduqca yararlı olmuşdur.