Xocalı faciəsinin 28-ci ildönümü ilə əlaqədar Sədərək Rayon ​ Təhsil Şöbəsinin ​ təşkilatçılığı ilə Heydərəabad qəsəbə tam orta məktəbində məktəbin ​ şagirdləri və məktəbdənkənar təhsil müəssisələrinin dərnək üzvləri arasında “Xocalısız 28 il” mövzusunda keçirilən rəsm ​ müsabiqənin yekun sərgisi təşkil edilib.
Heydərabad qəsəbə tam orta məktəbində keçirilən sərgidə Təhsil şöbəsinin əməkdaşları, məktəb direktorları, müəllim və şagirdlər iştirak edib.

Tədbirdə çıxış Təhsil şöbəsinin əməkdaşı müsabiqənin Xocalı soyqırımı qurbanlarını yad etmək, böyüməkdə olan gənc nəslə Azərbaycan tarixi haqqında həqiqətləri çatdırmaq, doğma Vətənə sevgi, məhəbbət hissləri aşılamaq, məktəblilər arasında milli vətənpərvərlik ruhunu yüksəltmək və istedadlı şagirdləri aşkara çıxarmaq məqsədilə keçirildiyini bildirib.

Qeyd olunmuşdur ki, gənclərimiz ölkəmizin ərazi bütövlüyü uğrunda hər zaman mübarizə aparmağa hazırdır. Tədbirdə ağlasığmaz dəhşətləri ilə dünyanı lərzəyə gətirən Xocalı soyqırımı barədə geniş məlumat verilərək bilirilib ki, həmin gecə 613 nəfərin şəhid olduğu, 1275 nəfərin əsir götürülüb. Şagirdlər Xocalı faciəsinin ağrılarını, düşmənə qarşı nifrət hislərini vətənpərvərlik ruhunda səsləndirdikləri şeirlərdə, ədəbi-bədii kompozisiyalarda ifadə ediblər.
Sonda müsabiqəyə təqdim olunan 26 əl işlərinə baxış keçirilib.