21 fevral 2020-ci il tarixdə Naxçıvan şəhər 11 nömrəli tam orta məktəbdə “Oxunması zəruri olan kitablar” siyahısından  Teodor Drayzerin “Dahi”  romanının 2 dildə-Azərbaycan dili və İngilis dilində müzakirəsi aparılmışdır. Müzakirədə məktəbin VIII-X sinif şagirdləri, ədəbiyyat müəllimləri, Naxçıvan Universitetinin Azərbaycan dili və Ədəbiyyat ixtisasında təhsil alan təcrübəçi tələbələri də iştirak etmişlər.

AMEA Naxçıvan Bölməsinin İncəsənət, Dil və ədəbiyyat İnstitutunun Folklorşünaslıq şöbəsinin müdiri, filologiya üzrə fəlsəfə doktoru, dosent Elxan Məmmədovun  “Dahi romanının ideya istiqaməti və ümumbəşəri əhəmiyyəti”, AMEA Naxçıvan Bölməsinin Bioresurslar İnstitutunun əməkdaşı Çilənay Ələkbərlinin  “Dahi romanındakı  obrazların təhlili”  mövzusunda məruzələri dinlənilmişdir. Məktəbin Azərbaycan dili və ədəbiyyat müəllimlərindən Nurtəkin Muxtarova “Teodor Drayzerin həyat və yaradıcılığı”, Gülnar Tarverdiyeva  “Dahi romanının ümumi məzmununa baxış”  mövzularında məruzələrlə çıxış etmişlər. Daha sonra VIII sinif şagirdi Cabbarlı Vüsal İngilis dilində əsərin müəllifi və ideya xətti haqqında təqdimatla çıxış etmişdir. Sonda şagirdlər “Dahi” romanından bəzi hissələri qiraət etmişlər.