Fevralın 4-də Şərur Rayon Uşaq-Gənclər Yaradıcılıq Mərkəzinin təşkilatçılığı ilə Şərur şəhər 2 nömrəli tam orta məktəbdə Naxçıvan Muxtar Respublikasının yaradılmasının 96-cı ildönümü ilə əlaqədar tədbirlər planına uyğun olaraq ümumtəhsil məktəblərinin şagirdləri arasında “Naxçıvan dünən və bu gün” mövzusunda rəsm müsabiqəsi keçirilmişdir.
Rəsm müsabiqəsində Şərur Rayon ümumtəhsil məktəblərinin şagirdləri iştirak etmişdir.
Müsabiqənin sonunda 1-ci yerə Muğancıq Mehrab kənd tam orta məktəbinin şagirdi Babayeva Nisəbəyim Ələsgər qızı, 2-ci yerə Aralıq kənd tam orta məktəbinin şagirdi Məmmədova Nuray İntiqam qızı və 3-cü yerə Mahmudkənd tam orta məktəbinin şagirdi Məmmədov Orxan Anar oğlu layiq görülmüşdür.
Sonda qalib gəlmiş şagirdlər rayon Təhsil Şöbəsinin diplomları ilə təltif olunmuşdur.
