16 dekabr  2019-cu  il  tarixdə Naxçıvan  Muxtar   Respublikası  Mədəniyyət  Nazirliyi, Naxçıvan  Dövlət  Rəsm  Qalereyası və Şahbuz Rayon Təhsil Şöbəsinin birgə təşkilatçılığı ilə  birlikdə   Şahbuz şəhər  2   nömrəli   tam  orta  məktəbdə   rayonun  ümumtəhsil  məktəblərinin  VI-XI  sinif  şagirdləri  arasında “Mən  bu  yurdun  övladıyam”  adlı rəsm  müsabiqəsi  keçirildi. Müsabiqənin  keçirilməsində  məqsəd  böyüməkdə  olan  nəslə qədim  və müasir  Naxçıvanın daha  dərindən öyrədilməsi, istedadlı  yeniyetmə və gənclərin  aşkar  edilib  üzə çıxarılması və  təsviri   incəsənət  dərslərinin  tədrisinin  yüksəldilməsindən  ibarətdir.

Müsabiqədə  23  tam  orta  məktəbin  şagirdləri  iştirak  edirdi. Müsabiqənin  yekun  nəticəsinə  görə münsiflər  heyəti  tərəfindən  birinci  yerə  Ağbulaq  kənd  tam  orta  məktəbinin  X  sinif  şagirdi   Seyidzadə  Nuranə, ikinci  yerə  Şahbuz  şəhər  2 nömrəli tam  orta  məktəbin  VII  sinif  şagirdi  Salmanov  Anar,  üçüncü  yerə  isə  Biçənək  kənd  tam  orta  məktəbinin  VIII  sinif  şagirdi   Quliyev  İsmayıl  layiq  görülmüşdür.

Birinci  və  ikinci  yer  tutmuş  şagirdlər Naxçıvan  şəhərində  keçirilən  rəsm  müsabiqəsində Şahbuz  rayonunu  təmsil  edəcəklər.