Naxçıvan Qarnizonu tam orta məktəbində yaranmış ənənələrdən biri də hər ay təhsildə, sınaq imtahanlarında, “Oxunması zəruri olan kitablar”la bağlı keçirilən viktorinada, inşa yazı, şeir, dram, rəsm müsabiqələrində, eləcə də fərdi və kollektiv idman oyunlarında, intellektual yarışlarda fərqlənən şagirdlər mükafatlandırılmışdır.

Noyabr ayı ərzində fərqlənən şagirdlərin mükafatlandırma mərasimi keçirilib. Tədbirdə məktəbin direktoru, Azərbaycan Respublikasının Əməkdar müəllimi Natiq Əhmədov çıxış edərək qeyd etdi ki, bu gün böyüməkdə olan uşaqların və gənclərin təhsli, tərbiyəsi, sağlamlığı daim muxtar respublikamızda diqqətdə olan məsələlələrdəndir. Uşaqların, gənclərin sağlamlığının qorunması, asudə vaxtlarını səmərəli keçirməsi üçün təşkil olunan müsabiqə və yarışlar şagirdlərin fiziki və zehni cəhətdən inkişafina, vətənpərvərlik hisslərinin artırılmasına öz müsbət təsirini göstərməklə yanaşı uşaqların sevincinə və valideynlərin rəğbətinə səbəb olub.

Sonra keçirilən tədbir və müsabiqələrdə fərqlənən şagirdlər mükafatlandırılmışdır.