Naxçıvan  şəhər  1, 2  və 3 nömrəli tam orta məktəblərinin   II-VI  sinif  şagirdləri üçün 05 dekabr 2019-cu il tarixdə Heydər Əliyev Uşaq-Gənclər Yaradıcılıq Mərkəzinə “Mənim sevimli məşğuliyyətim” devizi altında ekskursiya təşkil edilib.

Ekskursiyada şagirdlərə mərkəzin fəaliyyəti haqqında ətraflı məlumat verilib. Bildirilib ki, 2019-2020-ci tədris ilində mərkəzdə şagirdlərin asudə vaxtlarını səmərəli təşkili, onların yaradıcılıq qabiliyyətlərinin və istedadlarının üzə çıxarılması üçün 12-si yeni yaradılan olmaqla müxtəlif profilli 39 adda dərnək fəaliyyət göstərir.

Uşaq və yeniyetmələrin asudə vaxtlarının mənalı təşkili üçün mərkəzdə nümunəvi tədris şəraiti yaradılıb. Bu ekskursiyanın təşkil olunmasında şagirdllərin asudə vaxtının və tərbiyəsinin düzgün təşkili, onların intellektual inkişafı və istedadlarının üzə çıxarılması, onlar arasında milli mənəvi dəyərlərimizi əks etdirən dekorativ tətbiqi sənət və əlavə peşə sahələrinə maraq oyatmaqdır.

Bu ekskursiyada sevimli məşğuliyyətini tapan uşaqlar özünü və ətrafdakıları daha yaxşı tanımağa kömək edir. Sevimli məşğuliyyət şagirdlərdə özünə güvəni artırır, sakitləşdirir, vaxtı daha faydalı keçirməyi öyrədir.  Belə ki, bu tip ekskursiyalar uşaqları yormur, əhvalını yüksəldir, müsbət emosiyalar yaradır və daha çox uğur qazandırır.

Şagirdlər ekskursiyada dərnəklər barədə nəzəri biliklər əldə etməklə yanaşı dərnəklərdə iştirak edərək öz əlləri ilə gildən qablar, xalçaya ilmə ataraq, boyuyaraq, idman edərək, musiqi dinləyərək, robot texnologiyasını izləyərək sevimli məşğuliyyətlərini tapırdılar.

Sonda ekskursiya iştirakçılarına dərnəklərlə bağlı ətraflı məlumatlandırmaq məqsədilə bukletlər paylanılmışdır.

Qeyd edək ki, ekskursiya hər həftənin IV-VI günü Naxçıvan şəhəri ümumtəhsil məktəblərinin II-VI, VII-IX, X-XI sinifləri üzrə  05 dekabr 2019-cu il tarixdən 22 fevral 2020-ci il tarixədək davam edəcək.