4 dekabr 2019-cu il tarixdə Saltaq kənd tam orta məktəbində görkəmli Azərbaycan şairi İmadəddin Nəsiminin 650 illik yubileyinə həsr edilmiş tədbir keçirildi.
Tədbiri giriş sözü ilə məktəbin direktoru Sevinc Mustafayeva açaraq 2019-cu ilin Nəsimi ili elan olunması və onun mahiyyəti haqqında məlumat verdi. Söz məktəbin Azərbaycan dili və ədəbiyyat müəllimlərinə verildi. Müəllimlər böyük mütəfəkkirin yaradıcılığından ətraflı məlumatlar verdilər. Məktəbin VII, IX və X sinif şagirdləri Nəsiminin qəzəllərindən nümunələr söylədilər.
