28 noyabr 2019-cu il tarixdə Naxçıvan Muxtar Respublikası Şahmat Federasiyasının Kəngərli Rayon Bölməsinin, Kəngərli Rayon Təhsil Şöbəsinin və Uşaq-gənclər şahmat məktəbinin birgə təşkilatçılığı ilə Kəngərli və Şərur rayon şahmatçıları arasında Naxçıvan Muxtar Respublikasının 95 illik yubileyinə həsr edilmiş tempo turniri keçirilib.

Rayonun Uşaq-gənclər şahmat məktəbində keçirilən tempo turniri başlamazdan əvvəl Uşaq-gənclər şahmat məktəbinin qrup rəhbəri Əli Hüseynzadə çıxış edərək Naxçıvan Muxtar Respublikasının 95 illik yubileyi münasibətilə bütün tədbir iştirakçılarını təbrik edib və muxtar respublikada aparılan idman siyasəti haqqında şahmatçılara məlumat verib. Yarış Kəngərli və Şərur rayonlarından 59 şahmatçının iştirakı ilə keçirilib.

Turnirin yekun nəticələrinə əsasən ümumi yarışda İsmayılov Zakir I, Zeynalov Ayhan II, Bağırov Şahbaz isə III yerə layiq görülüb. 14 yaşadək oğlanlar arasında Rzayev Pərviz, 12 yaşadək oğlanlar arasında Abdullayev İlham, 10 yaşadək oğlanlar arasında Rzazadə Çinar, 8 yaşadək oğlanlar arasında isə Baxşızadə Uğur I yerə layiq görülüb. 14 yaşadək qızlar arasında Əliyeva Arzu, 12 yaşadək qızlar arasında isə Nəcəfova Xatun I yerə layiq görülüb.

Tempo turnirinin qalibləri təşkilatçılar tərəfindən diplom və qiymətli hədiyyələrlə mükafatlandırılıblar.