Naxçıvan Şəhər Təhsil Şöbəsinin təşkilatçılığı ilə Naxçıvan Muxtar Respublikasının yaradılmasının 100 illik yubleyinə həsr olunan ibtidai sinif müəllimləri üçün “Psixoloji zirvə” adlı təlim marafonu yekunlaşıb.Qeyd edək ki, könüllü müraciət əsasında “Psixoloji zirvə” adlı ödənişsiz təlimə 10 fevral 2024-cü il tarixdən başlanılıb və 3 ay müddətində davam edib.
Marafonda Naxçıvan şəhər ümumtəhsil məktəblərində fəaliyyət göstərən 100 müəllimin iştirakı nəzərdə tutulsa da muxtar respublikanın digər məktəblərindən də müəllimlər müraciət edərək təlimə qatılıblar.
Təlimlər klinik psixoloq-doktor, Amerikan Psixoloqlar Assosiasiyasının üzvü Ayaz Seyidli, Amerikan Psixoloqlar Assosiasiyasının üzvü psixoloq Əsmər Səfərova və psixoloq Səmavi Hüseynova tərəfindən 3 modul üzrə (ünsiyyət, davranış, disleksiya) hər həftənin şənbə günü saat 20:00 zoom platforması üzərindən keçirilib.
Təlimin sonunda müəllimlərə 3 modul üzrə 20 sualdan ibarət açıq suallar təqdim olunub və uğurlu nəticə göstərən iştirakçılara Naxçıvan Şəhər Təhsil Şöbəsi və Modern Psixoloji Markazi tərəfindən diplomlar təqdim olunub.
