İştirakçılar “Səhnələşdirmə və ya kompozisiya” kateqoriyası üzrə “Şəhid məktubu”, “Əlbəyaxa döyüş”, “Vətən məni çağırır”, “Mübariz əsgər” və s. kompozisiyaları, “Mahnı və ya rəqslər” kateqoriyası üzrə “Millətim”, “Uzundərə”, “Qarabağ”, “Cənab Leytenant”, “Xudayarın təsnifi”, “Dəsmalı” və s. rəqs və mahnıları ilə, “Mətn və ya şeirlər” kateqoriyası üzrə isə “Qalibiyyət dastanı”, “Azərbaycan”, “Şəhidlər”, “Ayağa dur, Azərbaycan!”, “Zəfər yolu” və s. şeirləri ilə müsabiqədə iştirak etmişlər.
Sonda isə münsiflər heyəti tərəfindən qiymətləndirmə aparılıb və hər kateqoriya üzrə I, II, və III yerlər olmaqla, ümumilikdə 28 qalib müəyyənləşdirilib.
Qeyd edək ki, müsabiqədə fərqlənənlər “Zəfər Günü”nə həsr olunan yekun tədbirdə Naxçıvan Muxtar Respublikası Təhsil Nazirliyinin diplomları ilə təltif ediləcəklər.
