Dərs ümumtəhsil məktəblərinin şagirdləri üçün saat 11:00-da, şahmat fənnini tədris edən müəllimlər üçün saat 12:00-da, Şahmat məktəbləri üçün isə saat 15:00-da baş tutub.
Ümumtəhsil məktəblərinin şagirdləri üçün “Açıq debütlərə aid oyunların təhlili” mövzusundkı interaktiv dərs beynəlxalq dərəcəli hakim Emin Hacıyev tərəfindən keçirilib. İnteraktiv dərsdə şahmata yeni başlayanlar üçün açıq debütlərdən istifadə etmək daha yaxşı olduğu izah olunub. Bu debütə aid oyunlardakı səhvlər bildirilib və birlikdə təhlil olunaraq düzgün oynamaq qaydaları göstərilib.
Ümumtəhsil məktəblərində şahmat fənnini tədris edən müəllimlər üçün keçirilən dərsdə beynəlxalq dərəcəli hakim Emin Hacıyev yay dövründə keçiriləcək yarışlar haqında məlumat verib, müəllimləri maraqlandıran suallar ətraflı cavablandırılıb.
Saat 15:00-da Şahmat məktəbləri ilə “Şagirdlərin oyunlarının təhlili” mövzusunda keçirilən interaktiv dərsdə müəllim Urfan Sevdimalıyev bildirilib ki, şahmata yeni başlayanlar oyunu yazmaq qaydalarını mütləq öyrənməlidirlər. Şagirdlərin oyununu sonra təhlil etmək üçün bu vacibdir. İnteraktiv dərsdə kiçik yaşlı şahmatçılara aid oyunlardakı səhvlər də diqqətə çatdırılıb, təhlillər aparılaraq düzgün oynamaq qaydaları göstərilib.
İnteraktiv dərs muxtar respublikanın 200-dən artıq təhsil müəssisəsində şagird və müəllimlər tərəfindən elektron lövhə vasitəsilə izlənilib.
