Artıq sentyabrın 10-dan başlayaraq “Təhsil Kursları”nda tədrisə start verilib.
“Təhsil Kursları”nda 9, 10 və 11-ci sinif şagirdləri üçün abituriyent hazırlığı, 5, 6, 7 və 8-ci sinif şagirdləri üçün ana dili, riyaziyyat və xarici dil fənlərindən fənn hazırlıqları ilə yüksək keyfiyyətli müəllim kollektivi məşğul olur.
Sədərək Rayon Təhsil Şöbəsi və Uşaq-Gənclər Yardıcılıq Mərkəzinin birgə təşkilatçılığı ilə ümumtəhsil məktəblərinin şagirdləri arasında “15 sentyabr -Bilik Günü” münasibətilə rəsm müsabiqəsi keçirilib.
Şərur Rayon Texniki Peşə və Sürücülük məktəbində rayon ümumtəhsil məktəblərində təhsil alan sağlamlıq imkanları məhdud şagirdlərlə onlayn marifləndirici tədbir keçirilib. Tədbirin keçirilməsində məqsəd ümumtəhsil məktəblərinin yuxarı siniflərində təhsil alan sağlamlıq imkanları məhdud uşaqların bacarıq, imkan və maraqları nəzərə alınmaqla peşə təhsilinə cəlb edilməsi olub.
Ordubad Rayon Uşaq Gənclər Yaradıcılıq Mərkəzinin rəsm dərnəyinin rəhbəri Aytəkin Həsənova və Ordubad Rayon Texniki Yaradıcılıq Mərkəzinin Əyləncəli Fizika və Bədii tikmə dərnəklərinin rəhbərləri Fatimə Abbasova və Vəcihə Tağıyeva “Zərərli vərdişlərdən necə qorunmalı” mövzusunda onlayn dərs təşkil etmişlər. Müəllimlər mövzu ətrafında ətraflı danışaraq, sağlamlığa mənfi təsir göstərəcək zərərli vərdişlər və bu vərdişlərdən uzaq durmağın yolları haqqında şagirdlərə geniş məlumat vermişlər. Bildirilib ki, bu vərdişlərin insana vurduğu maddi və mənəvi zərərlərdən uzaq olmaq, sağlam həyat tərzi sürmək üçün şagirdlərə daha çox mütaliə etmək, idmana vaxt ayırmaq lazımdır.
Bu gün Kəngərli Rayon Təhsil Şöbəsi və Uşaq-Gənclər İdman Məktəbinin birgə təşkilatçılığı ilə “İdman sağlamlıqdır” mövzusunda açıq havada məşğələ keçirilib.
