28 yanvar 2020-ci il  tarixdə Culfa Rayon Uşaq Gənclər Şahmat İdman Məktəbində "2 Fevral-Gənclər Günü" nə həsr olunmuş qızlar və oğlanlar arasında şahmat yarışı keçirilmişdir. Yarış Naxçıvan Muxtar Respublikası Şahmat Federasiyasının Culfa Rayon bölməsi, Culfa Rayon Təhsil Şöbəsinin,Culfa Rayon Gənclər və İdman İdarəsinin, Yeni Azərbaycan Partiyasının Culfa rayon təşkilatının Gənclər birliyi  ilə birgə keçirilmişdir. Yarışda Culfa Rayon Təhsil Şöbəsinin müdiri Mehdixan Əliyev, Culfa Rayon Gənclər və İdman İdarəsinin rəisi İsmayıl İmanov çıxış edərək bildirdilər ki,"2 Fevral Gənclər Günü" 1997-ci ildə Ümummilli Liderimiz Heydər Əliyevin sərəncamı ilə təsdiq olunub.

Culfa şəhər 3 nömrəli tam orta məktəbində rayon ümumtəhsil məktəblərində dərs deyən informatika müəllimlərinin birgə iştirakı ilə seminar keçirilmişdir. Seminarda 26 tam orta məktəbdən 60 nəfər informatika müəllimi iştirak etmişdir. Seminarı giriş sözü ilə Culfa Rayon Təhsil Şöbəsinin müdiri Mehdixan Əliyev açaraq qeyd etmişdir ki, Naxçıvan Muxtar Respublikası Ali Məclisi Sədrinin diqqət və qayğısı nəticəsində məktəblərimiz yenilənmiş, şagirdlərimizin yüksək təhsil alması üçün lazımı şərait yaradılmışdır.

28 yanvar 2020-ci il tarixdə Şərur rayon Uşaq-Gənclər İdman Şahmat məktəbində Şahmat Federasiyasının Şərur rayon bölməsi, Şərur rayon Təhsil Şöbəsi və Şahmat məktəbinin birgə təşkilatçılığı ilə 02 fevral- “ Gənclər Günü ” münasibəti ilə şahmat yarışı keçirilmişdir. Yarışda ümumtəhsil məktəbləri üzrə 58 gənc şahmatçı öz bacarıqlarını sınamışlar. Tədbirin sonunda 1-ci yeri Abdullayeva İlhan İlyas oğlu, 2-ci yeri Qasımov Turan Vəli oğlu, 3-cü yeri Həsənova Fəridə Adil qızı, 4-cü yerin qalibi Seyidov Kazım Daşqın oğlu olmuşdur. Orucova Günay Lətif qızı və Həsənli Günel Vaqif qızı ilə bacarıq və qabiliyyətlərinə görə digər şahmatçılardan fərqlənmişlər.

Qaliblər təşkilatçılar tərəfindən diplom və qiymətli hədiyyələrlə mükafatlandırılmışdır.