2019-2020-ci tədris ilinin ilk dərs günü sentyabrın 16-da olacaq.

Bilik Günü - 15 sentyabr bazar gününə təsadüf etdiyi üçün tədris ilinin ilk günü 16 sentyabr hesab ediləcək.

Bununla əlaqədar orta məktəblərdə dərslərin keçirilməsinə sentyabrın 16-dan başlanacaq.

Qeyd edək ki, Azərbaycanda tədris ili adətən 15 sentyabrda başlayıb, 14 iyunda başa çatır.

Ümummilli liderin arzularının gerçəkləşdiyi məktəbdə 15 ildir ki, bilikli və vətənpərvər gənclik yetişdirilir.

Ümummilli liderimiz Heydər Əliyev deyirdi: “Bizim təhsilimiz Azərbaycanın dövlət müstəqilliyinə xidmət edərək, əsl vətəndaş tərbiyə olunması prosesinə cəlb edilibdir. Ona görə də Azərbaycanın müstəqilliyinin dönməz və əbədi olmasının əsas mənbəyi və təminatçısı məhz Azərbaycan gəncliyidir”.

Naxçıvan şəhərindəki Heydər Əliyev adına məktəb də təhsilimizin böyük himayədarı ulu öndərin təşəbbüsü ilə yaradılıb və bu, görkəmli dövlət xadiminin ölkə təhsilində xüsusi çəkisi olan Naxçıvanda həmin strateji sahəyə qayğısının daha bir ifadəsi idi. 2004-cü ildə məktəb üçün müasir arxitektura üslubunda yeni bina inşa edilib, təhsil ocağı informasiya-kommunikasiya texnologiyaları ilə təchiz olunub.

Ağbulaq İstirahət Mərkəzində Babək və Ordubad məktəblilərinin iştirakı ilə təşkil olunan “Yay məktəbi”ndə proqrama uyğun olaraq hər günə səhər gimnastikası ilə başlayan məktəblilər  arasında “Doğma yurdum” rəsm müsabiqəsi keçirilib,  milli-mənəvi dəyərlərimiz və adət-ənənələrimizin təbliği məqsədi ilə “Tariximiz-irsimiz” mövzusunda mühazirə dinlənilib, sonra oxunması zəruri olan kitablardan ibarət mütaliə saatı, müxtəlif stolüstü idman oyunları, futbol, voleybol oynayıb, həmçinin onların Ağbulaq kəndi ərazisinə gəzintisi təşkil olunub. “Yay məktəbi” ərzində keçirilən yarışlarda fərqlənən məktəblilər üçün istirahətin son günü tədbir təşkil olunub.