Naxçıvan şəhər 8 nömrəli tam orta məktəbdə birinci yarımilin yekunlarına dair Pedaqoji şura iclası keçirilib.
İclasda Naxçıvan Şəhər Təhsil Şöbəsinin əməkdaşları da iştirak edib. Məktəbin direktoru Günay Novruzova birinci yarımildə görülən işlər haqqında məlumat verib, ikinci yarımildə görüləcək işlər müzakirə olunub. Həmçinin 5-ci və 11-ci siniflərin fəallıq göstəriciləri qrafiki müəllimlərin diqqətinə çatdırılıb. Nəticələri zəif olan siniflərdə tədris aparan müəllimlərə göstəricilərin artırılması istiqamətində tövsiyələr verilib. İclasın gündəliyində duran digər məsələlər haqqında yazılan arayışlar dinlənilib və qərar layihəsi qəbul edilib.
Sonda müəllimlərə ikinci yarımildə fəaliyyətlərində uğurlar arzulayıb.
5 fevral 2020-ci il tarixdə Ə.Ağayev adına 8 nömrəli tam orta məktəbin müəllimi Səfərova Vəfa Məmməd qızı “Coğrafiya həftəsi” çərcivəsində “Dünya okeanının yaranması” mövzusunda nümunəvi dərs keçmişdir. Nümunəvi dərsdə məktəb şagirdləri arasında “Vətəni tanı” adlı müsabiqə və şagirdlərin əl işlərindən ibarət sərgi təşkil olunmuşdur.
Sədərək rayon Təhsil şöbəsinin və Uşaq Gənclər İdman məktəbinin birgə təşkilatçılığı ilə Sədərək kənd 1 nömrəli tam orta məktəbində Uşaq Gənclər İdman məktəbinin qızlardan ibarət stolüstü tennis bölmələrinin birinciliyi keçirilmişdir. 
