14 fevral 2020-ci il tarixdə Kəngərli Rayon Təhsil Şöbəsinin təşkilatçılığı ilə Yurdçu kənd tam orta məktəbində “21 Fevral – Beynəlxalq Ana Dili Günü” ilə əlaqədar rayonun ümumtəhsil məktəblərinin IX-XI sinif şagirdləri arasında “Mənim ana dilim” mövzusunda inşa yazı müsabiqəsi keçirilib.
İnşa müsabiqəsinin keçirilməsində məqsəd ana dilimizin zənginliyi, onun yaşadılması və təbliğ edilməsi barədə şagirdləri məlumatlandırmaq, məktəbliləri milli-mənəvi dəyərlərə hörmət və vətənpərvərlik ruhunda tərbiyə etmək, şagirdlərin yaradıcılıq potensialının inkişaf etdirilməsi, məktəblilərin asudə vaxtlarının səmərəli təşkil edilməsindən ibarətdir.