Əvvəlcə Xocalı soyqırımı qurbanlarının və Vətənimizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Daha sonra Mərkəzin direktoru Nübar Allahverdiyeva Xocalı harayı mövzusunda çıxış edərək diqqətə çatdırıb ki,   belə tədbirlərin keçirilməsində məqsəd gənc nəslin Vətənə, doğma torpağa məhəbbət və sədaqət hisslərinin gücləndirilməsindən ibarətdir. İnsanlığa qarşı ən qəddar və amansız kütləvi terror hadisələrindən olan Xocalı faciəsi erməni millətçilərinin Azərbaycan xalqına qarşı yürütdüyü soyqırımı və etnik təmizləmə siyasətinin tərkib hissəsidir.

Naxçıvan şəhər 2 nömrəli tam orta məktəbin IV və V sinif şagirdlərinin iştirakı ilə “Xocalı XX əsrin faicəsidir” mövzusunda tədbir keçirilmişdir. Keçirilən tədbirdə məktəb rəhbərliyi və müəllimlər iştirak etmişdir. Tədbir Xocalı soyqırımı qurbanlarının xatirəsinin bir dəqiqəlik sükutla yad etməklə başladı. Sonra tarix müəlliməsi İsmayılova Sevda çıxış edərək qeyd etmişdir ki, Xocalı soyqırımının törədilməsindən 28 il keçir.

Liseyin direktoru Cavanşir Quliyev öz çıxışında qeyd etmişdir ki, 26 fevral Azərbaycanın tarixi səhifəsinə qanlı hərflərlə yazılmış tarixi gündür. 28 il bundan öncə erməni silahlı dəstələri ağır və zirehli texnikadan isfifadə edərək, şəhəri şiddətli şəkildə atəşə tutdular. Axşam saatlarından başlayan bu qırğın səhər saatlarına qədər fasiləsiz şəkildə davam etmiş , artıq səhər saatlarında şəhər alovlara qərq edilmişdir. Erməni silahlı dəstələri gənc, uşaq, yaşlı demədən vəhşiliklə insanları qətlə yetirmiş, işgəncələr vermiş, əsir götürmüşdürlər.