Bu münasibətlə keçirilən tədbirdə Naxçıvan Muxtar Respublikasının təhsil naziri Rəhman Məmmədov bildirib ki, bu gün ölkə başçısı tərəfindən müəllimlərimiz üçün yüksək tədris şəraiti yaradılır, onların maddi rifahı yaxşılaşdırılır və əməklərinə yüksək qiymət verilir. Elə bu qayğının nəticəsidir ki, muxtar respublikada 400-dən çox müəllim "Əməkdar müəllim" fəxri adlarına layiq görülmüş, "Tərəqqi” medalı ilə təltif edilmişdir.
Təhsil naziri qeyd edib ki, hər il "Beynəlxalq Müəllimlər Günü” münasibətilə Azərbaycan Respublikasının Prezidenti cənab İlham Əliyev bilik və bacarıqları ilə fərqlənən müəllimləri təltif edir. 2022-ci il 4 oktyabr tarixində də ölkə başçısı Azərbaycan Respublikası təhsil işçilərinin "Əməkdar müəllim" fəxri adı və "Təqqi" medalı ilə təltif edilməsi haqqında Sərəncam imzalayıb.Rəhman Məmmədov fəxri ad və medal alan müəllimləri təbrik edib, onlara gələcək fəaliyyətlərində uğurlar arzulayıb.
Təltif olunan müəllimlər onlara göstərilən diqqət və qayğıya görə ölkə başçısına minnətdarlıqlarını bildiriblər.
Təhsil naziri medal və vəsiqələri müəllimlərə təqdim edib.
Sonda xatirə fotosu çəkilib.
