Şagirdlərdə innovativ təhsil metoduna dair biliklərin inkişaf etdirilməsi məqsədilə Naxçıvan Muxtar Respublikası Təhsil Nazirliyinin tərəfindən hazırlanmış qrafikə uyğun 26 may 2022-ci il tarixdə muxtar respublikanın ümumtəhsil məktəblərinin VI və VII siniflərində təhsil alan şagirdlər üçün STEAM təhsili ilə bağlı növbəti interaktiv dərs təşkil olunub. İnteraktiv dərs Naxçıvan şəhər Heydər Əliyev adına tam orta məktəbdə yaradılan STEAM Tədris Mərkəzində keçirilib. İnteraktiv dərs muxtar respublikanın STEAM təhsil metodu tətbiq edilən 100-dən çox təhsil müəssisəsində izlənilib.Təhsil Nazirliyinin təlimçisi Ceyran Məmmədova tərəfindən keçirilən interaktiv dərsdə “Müxtəlif layihələrin hazırlanması” Micro:bit vasitəsilə layihələlərin hazılanması istiqamətində məlumat verilib. Dərsdə Microsoft şirkəti tərəfindən hazırlanmış “Makecode” interfeysi ilə proqramlaşdırmda kod bloklarından istifadə edərək müxtəlif layihələrin kodlaşdırılması və ekranda simulyasiya vasitəsi ilə elektron qurğular üzərində işləməyin yolları izah edilib.
