Naxçıvan Muxtar Respublikası Təhsil Nazirliyinin təşkilatçılığı ilə 18 yanvar 2022-ci il tarixində AMC (American Mathematics Competitions) Beynəlxalq Riyaziyyat Müsabiqəsi keçiriləcək. Müsabiqə hər il “Amerika Riyaziyyat Assosasiyası” tərəfindən dünyanın 40-dan çox ölkəsində təşkil olunur.
Müsabiqənin keçirilməsində əsas məqsəd ümumi təhsil müəssisələrinin 7, 8 və 9-cu sinif şagirdlərinin mübarizə əzmini və problem həll etmə bacaqlarını inkişaf etdirməkdir. Müsabiqə Azərbaycan, rus və ingilis dillərində keçiriləcək və 40 dəqiqə davam edəcək. Müsabiqədə şagirdlərə 25 qapalı tipli test təqdim ediləcək.Yarışın bütün iştirakçılarına beynəlxalq səviyyədə tanınan sertifikatlar təqdim olunacaq.
Müsabiqədə iştirak etmək istəyən şagirdlər mütləq qaydada onlayn qeydiyyatdan keçməli, ödəniş etməlidir. İştirak üçün ödəniş məbləği 15 manat təşkil edir. Qeydiyyat “oxuyan.az”onlayn sınaq imtahanı platforması tərəfindən 10 yanvar tarixindən etibarən onlayn qaydada aparılacaq.
Muxtar respublikada imtahan mərkəzləşmiş qaydada Naxçıvan şəhərində keçiriləcək. Mərkəzdə imtahan nəzarətçisi kimi ibtidai sinif müəllimləri cəlb olunacaqlar.
Aşağıdakı linkdən qeydiyyat səhifəsinə keçid edə bilərsiniz:
